ភូមិបណ្តែតទឹក កំពង់ហ្លួងដួងចិត្ត ភ្ញៀវទេសចរបរទេសចាប់អារម្មណ៍

Wednesday, 28 March 2012 02:16

យើងបានទស្សនាតំបន់ទេសចរណ៍ លម្ហែអារម្មណ៍ធម្មជាតិមួយដែល ពោរពេញ ទៅដោយខ្យល់ជំនោរល្ហៀកៗ បរិសុទ្ធពិត ទើបតែលេចចេញជា រូបរាងបាន ប៉ុន្មានឆ្នាំប៉ុណ្ណោះ ស្ថិតក្នុងភូមិសាស្ត្រ ភូមិបណ្តែតទឹក ឃុំកំពង់ហ្លួង ស្រុកក្រគរ ខេត្តពោធ៌សាត់ កំពុងតែអន្ទងចិត្តទាក់ទាញភ្ញៀវទេសចរជាតិ និង អន្តរជាតិ ឱ្យមកជិះទូកលម្ហែកាយជាហូរហែមិនដាច់ មិនថាថ្ងៃបុណ្យ ឬ ថ្ងៃសម្រាកឡើយ កំណើនភ្ញៀវទេសចរកើនឡើងជាលំដាប់ពី មួយឆ្នាំទៅមួយឆ្នាំ ជាហេតុធ្វើឱ្យអ្នកភូមិនៅតំបន់នេះបានប្រែ ផ្លាស់មុខមាត់ថ្មីដោយសារបានចំណូលសេដ្ឋកិច្ចពីភ្ញៀវ ។       បើលោកអ្នកធ្វើដំណើរចេញពីទីក្រុងភ្នំពេញឆ្ពោះទៅកាន់ខេត្តញេធិ៍សាត់ បាត់ដំបង យើងនឹងឆ្លងកាត់ខេត្តមួយគឺ ខេត្តកំពង់ឆ្នាំង ហើយបន្តដំណើរប្រមាណ ជា ១០០ គីឡូម៉ែត្រទៀត យើងនឹងទៅដល់ចំណុចផ្លូវបែកស្ថិតក្នុងស្រុកក្រគរ ហើយបត់ស្តាំដៃតាមផ្លូវចូលដែលមានក្រាលកៅស៊ូ អមដោយដើមឈើចម្រុះគ្នា តូច-ធំ ចោលម្លប់ត្រឈឹងត្រឈៃ ជាការទាក់ទាញ និង ជាការអមដំណើរជូនភ្ញៀវ ទៅដល់គោលដៅជាក់ជាមិនខាន ចម្ងាយប្រមាណជា ១០ គីឡូម៉ែត្រ គឺ“សហគមន៍ ទេសចរណ៍” ។       ជារឿយៗយើងនឹងឃើញមានម៉ូតូ រថយន្តតូចធំ និង រថយន្តក្រុងដឹកភ្ញៀវ បរទេសបានធ្វើដំណើរប៉ប្រុយមិនដាច់ ជាពិសេសនៅថ្ងៃសៅរ៍-អាទិត្យ ថ្ងៃបុណ្យ ទានម្តងៗ ។ នៅពេលដែលអ្នកដំណើរទេសចរទាំងអស់បានទៅដល់តំបន់ ទេសចរណ៍សហគមន៍នេះពិតជាបានប្លែកភ្នែក ប្លែកអារម្មណ៍ រំសាយអស់ទុក្ខ ព្រួយកង្វល់ដែលកើតមានកន្លងមក ។ ជាមួយទឹកទន្លេដ៏ត្រជាក់ថ្លាយង់ឆ្លុះភក្ត្រ អមដោយទូកតូចធំសម្រាប់ដឹកភ្ញៀវទេសចរដើរកម្សាន្តមើលការនេសាទត្រី និង សត្វស្លាបធម្មជាតិរាប់រយ-ក្បាលកំពុងតែហិចហើរ ឆ្វែលចុះឡើងប្រឡែង លេងនឹងភ្ញៀវ ។  លើសពីនេះទៀតយើងនឹងឃើញមានផ្ទះប្រជាពលរដ្ឋសង់នៅ បណ្តែតទឹកជាមួយខ្ទមសម្រាប់ទទួលភ្ញៀវជាច្រើនវាហាក់បីដូចជាប្រគល់ខ្លួនជូន ភ្ញៀវទេសចរអង្គុយលេងកម្សាន្តយ៉ាងដូច្នេះដែរ ។       ភ្ញៀវទេសចរដែលបានមកដល់ទីនេះមិនគ្រាន់តែបានជិះទូកបណ្តែតអារម្មណ៍ លើផ្ទៃទឹកដ៏ត្រជាក់ គយគន់ធម្មជាតិ និង សត្វប៉ុណ្ណោះទេ លើសពីនេះទៀតក៏ នៅមានផ្លែឈើចម្រុះគ្រប់មុខ និង ម្ហូបអាហារគ្រប់មុខតាំងលក់ជូនភ្ញៀវក្នុងតម្លៃ ថោកសមរម្យ ។ មិនតែប៉ុណ្ណោះយើងក៏ក្រឡេកឃើញគូស្នេហ៍ថ្មោងថ្មីបានមក រឹតបន្តឹងចំណងស្នេហ៍របស់គេឱ្យកាន់តែវេញត្របាញ់ចូ លគ្នាជាធ្លុងមួយដែរ ប៉ុន្តែការបង្កើតចំណងស្នេហ៍របស់គូស្នេហ៍មួយចំនួនក៏បានជួបនូវវិបត្តិខ្លះៗដែរ ដោយសារតែស្នេហ៍បោកប្រាស់... នៅលើទឹកដីដ៏ស្រស់សោភានេះផងដែរ ។       ជួបជាមួយនឹងមន្ត្រីសម្របសម្រួលនៃមន្ទីរទេសចរណ៍ខេត្តញេធិ៍សាត់ឈ្មោះ សុខ វឿន បានប្រាប់ឱ្យដឹងថា ដោយ សម្លឹងឃើញថាឃុំកំពង់ហ្លួងជាភូមិសាស្ត្រ ទឹកដីជាប់នឹងបឹងធម្មជាតិយើងនោះដែលមានប្រជាពលរដ្ឋមួយចំនួនរស់នៅតាំង លំនៅស្ថាន លើផ្ទៃទឹក មើលទៅគួរឱ្យចាប់អារម្មណ៍ និង មួយចំនួនទៀតសង់នៅ លើគោក ទើបមន្ទីរទេសចរណ៍ក៏ដូចជាអាជ្ញាធរ មូលដ្ឋានមានការចាប់អារម្មណ៍ ទៅលើវិស័យទេសចរណ៍ ក៏បានបង្កើតនូវសហគមន៍ទេសចរណ៍មួយនេះហៅ ថា “សហគមន៍ទេសចរណ៍ភូមិបណ្តែតទឹកកំពង់ហ្លួង”នៅក្នុងឆ្នាំ ២០០៧ ។ តាមការផ្សព្វផ្សាយព័ត៌មានជាហេតុធ្វើឱ្យតំបន់ ទេសចរណ៍នេះកាន់តែចាប់អារម្មណ៍ ពីសំណាក់ភ្ញៀវជាតិ និង អន្តរជាតិ ជាពិសេសនោះគឺភ្ញៀវអន្តរជាតិតែម្តង គឺ កើនឡើងជាលំដាប់ពីមួយឆ្នាំទៅមួយឆ្នាំ ។       លោកបន្តថា បើគិតត្រឹមដំណាច់ឆ្នាំ ២០១១ ឈានចូលឆ្នាំ ២០១២ ក្នុង ខែមីនានេះគឺមានភ្ញៀវទេសចរទាំងគ្រប់ទិសទី មានចំនួន ១.៧១៦ នាក់ នេះមិន គិតពីភ្ញៀវក្នុងស្រុកទេ ។ នៅតំបន់ទេសចរណ៍នេះអ្វីដែលធ្វើឱ្យភ្ញៀវទេសចរ ចាប់អារម្មណ៍នោះគឺមានកត្តាច្រើនយ៉ាងណាស់ ដូចជាការរៀបចំសណ្តាប់ធ្នាប់ សេវាកម្មល្អ សន្តិសុខសុវត្ថិភាពល្អ និង មធ្យោបាយដឹកភ្ញៀវល្អ មានទូកតូច-ធំ ហើយបំណងអ្នកទេសចរមកលេងគឺបានជិះទូកបន្ធូរអារម្មណ៍លើផ្ទៃទឹក មើល ការនេសាទ មើលសត្វស្លាប ជាដើម ។       លោកបន្តថា ចំពោះតម្លៃឈ្នួលវិញ គឺខាងមន្ទីរជាអ្នកកំណត់តម្លៃថេរច្បាស់ លាស់ ដែលភ្ញៀវទេសចរអាចទទួល យកបាន មិនចុះឡើងតាមចិត្តនោះឡើយ ព្រោះវាជាហេតុធ្វើឱ្យប៉ះញល់ដល់អារម្មណ៍ភ្ញៀវទេសចរ ។ ក្នុងនោះសម្រាប់ ទូកដឹកភ្ញៀវតូចៗចាប់ពីមនុស្សម្នាក់ដល់បីនាក់ មួយម៉ោងតម្លៃប្រាំបីដុល្លារ ទូកធំ ល្មមបួននាក់ដល់ប្រាំនាក់ តម្លៃដប់ពីរដុល្លារ ក្នុងមួយម៉ោង ពីប្រាំមួយនាក់ដល់ ម្ភៃនាក់ តម្លៃក្នុងម្នាក់ៗពីរដុល្លារ ។ យើងក៏មានផ្ទះសំណាក់សម្រាប់ភ្ញៀវសម្រាក ក្នុងតម្លៃសមរម្យទៀតផង ។       ភ្ញៀវទេសចរដែលមកកម្សាន្តនៅតំបន់នេះភាគច្រើនជាលក្ខណៈគ្រួសារ ប្រពន្ធកូន ខ្លះជាក្រុមមិត្តភក្តិ មកជិះទូកកម្សាន្តលេងតាមភូមិប្រជាពលរដ្ឋ ក៏ដូចជា ជិះទូកចេញទៅមើលទេសភាពនៅឯទីវាលលម្ហដ៏ធំល្វឹងល្វើយ ដាច់កន្ទុយភ្នែក ជាបឹងធម្មជាតិនៃបឹងទន្លេសាបរបស់ខ្មែរយើង លាយឡំនឹងរលកទឹកព្រេចៗ និង ជំនោររសៀលបរិសុទ្ធបក់មកប៉ះកាយល្ហៀកៗធ្វើឱ្យអារម្មណ៍ធុញថប់របស់ភ្ញៀវ ដែលមកដល់ទីនេះរសាយអស់ ។ ជាពិសេសជាងនេះទៀត ពួកគាត់បានផ្តិតយក អារម្មណ៍ប្លែកៗនៅក្នុងតំបន់នេះ ។       បើតាមលោក កែវ សុវណ្ណារ៉េត ជាមេឃុំកំពង់ហ្លួងបានបញ្ជាក់ប្រាប់ពី ប្រជាពលរដ្ឋនៅទីនេះថា នៅក្នុងឃុំកំពង់ហ្លួង របស់លោកមានប្រជាពលរដ្ឋរស់ នៅ ១.១៦៣ គ្រួសារ ប្រជាពលរដ្ឋសរុបចំនួន ៦.២៩៤ នាក់ ក្នុងនោះប្រជាពលរដ្ឋ រស់នៅលើផ្ទៃទឹកចំនួនបួនភូមិ ស្មើនឹង ៨៦៥ គ្រួសារ ។ លោកប្រាប់បញ្ជាក់ពី ប្រជាពលរដ្ឋនៅលើទឹកថា ប្រហែលជា ៧០ ភាគរយ ទៅ ៨០ ភាគរយ គឺពួក គាត់ប្រកបមុខរបរនេសាទដើម្បីផ្គត់ផ្គង់ជីវភាពរស់នៅប្រចាំថ្ងៃ និង មួយចំនួន ទៀតពឹងផ្អែកលើអាជីវកម្ម ផ្សេងៗដូចជាការលក់ដូរ និង បានចំណូលពីវិស័យភ្ញៀវ ទេសចរនេះឯង បានធ្វើឱ្យពួកគាត់ប្រែប្រួលមុខមាត់ថ្មីពីការខ្វះខាតមកធូរធារ ។ ភ្ញៀវទេសចរភាគច្រើនគឺបរទេសតែម្តង ដែលមកម្តងៗជិះរថយន្តក្រុងក៏មាន ដែរ ៕

Read more »

ភ្ញៀវទៅទេសចរណ៍ភ្នំគូលែនកាន់តែច្រើន

Written by ភ្នំពេញដេលីញូវ

Sunday, 18 March 2012 23:15

ក្រោយពីការដើរកម្សាន្តនៅតាម ប្រាសាទនានានៅក្នុង ខេត្តសៀមរាបហើយ នោះ ភ្ញៀវទេសចរទាំងឡាយក៏មិន ភ្លេចទៅទស្សនានៅបូជនីយដ្ឋាន ភ្នំគូលែនផងដែរ ពីព្រោះ នៅទីនោះ បានបន្សល់ទុកនូវកេរដំណែលវប្បធម៌ និង ធម្ម-ជាតិដ៏ស្រស់ត្រកាលគួរឱ្យគយគន់ក្រៃលែង ។ ភ្នំគូលែនស្ថិត នៅក្នុងស្រុកស្វាយលើ និង ស្រុកវ៉ារិន ចម្ងាយ ៦០ គីឡូម៉ែត្រ ពីក្រុងសៀមរាប និង ចម្ងាយប្រហែល ២៥ គីឡូម៉ែត្រពី ប្រាសាទបន្ទាយស្រី ។ ភ្នំគូលែនមានឈ្មោះដើមថា មហិន្ទ្រព៌ត ជាកន្លែងដែលព្រះបាទជយវរ្ម័នទី ២ ប្រារឰធ្វើពិធីទេវរាជ និង ប្រកាសឯករាជ្យពីប្រទេសជ្វា ក្នុងឆ្នាំ ៨០២ ជាពេលដែល សម័យអង្គរកើតឡើង ។       ប្រជាជនខ្មែរអ្នកមានជំនឿផ្នែកពុទ្ធសាសនា និង ជឿទៅលើអាទិទេព ឬ ព្រះព្រហ្ម ពេលបានទៅទស្សនាប្រាសាទ អង្គរវត្តនៅខេត្តសៀមរាប តែងតែចង់ បង្ហួសទៅធ្វើសក្ការៈនៅភ្នំគូលែន ព្រោះនៅទីនោះគេតែងគិតថា ជាទីដែលមាន ឫទ្ធិបារមីខ្លាំងក្លាហើយអ្នកបួស អ្នកសច្ចំ គ្រូមន្តអាគមទាំងឡាយចូលចិត្តអួត លើកតម្កើងខ្លួន និង ចូលចិត្តទៅតាំងធម៌ នៅលើភ្នំគូលែន ដោយសារគេគិតថា អ្នកដែលបន្សុទ្ធខ្លួនដោយធម៌នៅភ្នំគូលែនបានគឺពិតជាមនុស្សខ្លាំង ហើយជំនឿ បែបនេះគឺពុំមែនទើបតែកើតមាននៅពេលនេះទេ គឺមានតាំងពីពេលកើតបូជ-នីយដ្ឋានភ្នំគូលែននេះមកម៉្លេះ ។ ភ្នំគូលែននេះត្រូវបានចាត់ទុកជាឧទ្យានជាតិ មួយ ចំណែកនៅក្នុងស្រុកស្វាយលើ និង មួយចំណែកនៅស្រុកវ៉ារិន ដោយសារតែទី នោះពោរពេញទៅដោយព្រៃឈើលាយឡំជាច្រើនប្រភេទ ជាជួរភ្នំដែលមានទឹក ធ្លាក់ និង មានប្រាសាទ រូបចម្លាក់បុរាណ ព្រមទាំងមានទីអារាមមានអាយុតាំង ពីយូរលង់មកហើយ ។ ជាទូទៅនៅរៀងរាល់ថ្ងៃសីល ថ្ងៃពេញបូណ៌មី និង ពេល សម្រាក បុណ្យទាន មនុស្សម្នាតែងតែនាំគ្នាទៅលេងទីនោះ ទោះបីជាមានទីតាំង ឆ្ងាយបន្តិចក៏ដោយ ។ ក្រៅពីមុខងារសំខាន់ៗដូចបានរៀបរាប់ខាងលើឧទ្យានជាតិ ភ្នំគូលែនមានតួនាទីសំខាន់មួយទៀតនៅក្នុង ប្រវត្តិសាស្ត្រនៃអាណាចក្រខ្មែរ គឺ ជាកន្លែងដែលនៅឆ្នាំ ៨០២ ព្រះបាទជយវរ្ម័នទី ២ បានប្រកាសឯករាជ្យចេញពី ការគ្រប់គ្រងរបស់ជ្វា ហើយចាត់ទុកជាកន្លែងដែលកម្ពុជាផ្តើមមានភាពរីកចម្រើន រុងរឿងខ្លាំងក្លា មានអរិយធម៌ខ្ពង់ខ្ពស់ដល់កំពូល ។       ភ្នំគូលែនផ្តល់ជូននូវផ្ទាំងទស្សនីយភាពល្អប្រណីតពីរកន្លែង គឺមួយនៅចង្កេះ ភ្នំ និង មួយកន្លែងទៀត គឺនៅ លើកំពូលភ្នំតែម្តង ។ នៅលើកំពូលភ្នំគេនឹងឃើញ មានកូនវត្តដែលមានព្រះពុទ្ធរូបទ្រង់បរិនិព្វានដ៏ធំសង់អំពីថ្មភក់ ។ នៅមិនឆ្ងាយពី ទីនោះគេនឹងបានឃើញអាងទឹកធម្មជាតិដែលមានទឹកធ្លាក់ជាប្រចាំ ហើយនៅ បាតអាងសម្បូរទៅដោយរូបចម្លាក់ ជាពិសេសគឺរូបលិង្គ និង យោនី ដែល សរុបទាំងអស់មានមួយពាន់លិង្គ ហើយមនុស្សភាគច្រើនហៅទីនោះជាអាង ទឹក “លិង្គមួយពាន់” ។ ក្នុងចំណោមចម្លាក់ទាំងនោះគេក៏កត់សម្គាល់ឃើញមាន រូបអាទិទេព គឺព្រះវិស្ណុជិះនៅលើពស់ឈ្មោះ អានណ្តា រួមជាមួយព្រះមហេសី គឺព្រះនាង លក្ស្មី និង មានចម្លាក់ផ្កាឈូកជាត្របកចេញពីផ្ទាំងថ្ម ។ ផ្អែកតាមប្រវត្តិ នៃជំនឿរបស់ខ្មែរ គឺរូបលិង្គសំដៅ ទៅលើលិង្គព្រះឥសូរ ដែលគេចាត់ទុកថាជា អាទិទេពមួយព្រះអង្គនៅក្នុងលទ្ធិព្រហ្មញសាសនា ហើយនៅមុនឆ្នាំ ៨០២ ខ្មែរ យើងភាគច្រើនជឿលើព្រហ្មញសាសនា ។ ការឆ្លាក់រូបលិង្គនៅបាតអាងបែប នេះ តាមជំនឿអ្នកនៅក្រោមទឹកទាំងប៉ុន្មាន ពេលអាស្រ័យទឹក ឬ ងូតទឹក... គឺ សុទ្ធតែទទួលបាននូវទឹកមន្តដែលប្រសិទ្ធីដោយព្រះព្រហ្ម ។ ទឹកពីលើកំពូលភ្នំ គូលែននេះ ដើមឡើយហូរកាត់ភូមិតំបន់សៀមរាបអង្គរ ទីរួមខេត្ត និង បានធ្លាក់ ទៅបឹងទន្លេសាប និង ពេលខ្លះទៅបំពេញនៅបារាយណ៍ទឹកថ្លាផងដែរ ។  នៅ តាមល្អាងភ្នំជុំវិញទីនោះក៏មានរូបចម្លាក់ប្លែកៗជាច្រើនទៀតដែលបញ្ជាក់ឱ្យឃើញ ថា បុព្វបុរសខ្មែរគឺពិតជាវិចិត្រករ សិល្បករ ដ៏ចំណាន ហើយជាពូជអម្បូរដែល ឧស្សាហ៍ព្យាយាម និង អំណត់បំផុត ។ តំបន់ជុំវិញ ល្អាងមានធាតុអាកាសត្រជាក់ ស្រេង គ្របដណ្តប់ ទៅដោយដើមឈើធំៗ ។ ការបន្តដំណើរទៅកាន់ កំពូលភ្នំ គឺជារឿងមួយសែនលំបាក ព្រោះត្រូវឆ្លង កាត់តំបន់ថ្មតូចធំតាមចន្លោះផ្លូវតូចព្រៃចង្អៀតបត់ បែនឆ្វេងស្តាំចុះឡើង តែនៅពេលទៅដល់ទើប យើងដឹងថា មើលពីលើកំពូលភ្នំគូលែនភ្ញៀវនឹង ឃើញទិដ្ឋភាពរួមដ៏ស្រស់បំព្រងនៃភ្នំគូលែន ដែល នៅក្បែរនោះគេប្រទះឃើញមានប្រាសាទដ៏ចំណាស់ មួយឈ្មោះថា ប្រាសាទក្រោលរមាស ដែលសាង ឡើងក្នុងសតវត្សរ៍ទី ៩ ។ នៅលើបរិវេណនៃភ្នំ គូលែនគេប្រទះឃើញមានប្រាសាទតូចៗប្រមាណ ជាង ២០ ដែលកសាងឡើងក្នុងសម័យអង្គរនៅរាយ ប៉ាយស្ទើរគ្រប់ទីកន្លែង កប់ក្នុងគុម្ពោធព្រៃ ។ ប្រា-សាទដែលសំខាន់សង់ នៅចំផ្លូវចូល គឺប្រាសាទ រោងជាង ជាប្រាសាទទីមួយមុនពេលទៅឃើញស្រះ ទឹកមួយឈ្មោះថា ស្រះដំរីហើយនៅក្បែរស្រះដំរីនោះមានរូបចម្លាក់ធំៗទាំងមូល សង់អំពីថ្មភក់មានដូចជា រូបដំរីដែលមានបណ្តោយប្រវែង ៤ ម៉ែត្រ និង កម្ពស់ ៣ ម៉ែត្រ ហើយក៏មានរូបតោពីរក្បាលបញ្ចោញឫកយ៉ាងខែងរ៉ែងឈរការពារភ្នំ គូលែនទាំងមូល ។ យើងក៏កុំភ្លេចឆៀងចូលទៅលេងនៅក្នុងវត្តដ៏តូចមួយដែល សង់នៅលើខ្នងភ្នំ ជាទីដែលមានរូបព្រះពុទ្ធដ៏ធំមួយអង្គសង់ឡើងអំពីថ្មភក់ វត្ត នោះគេឱ្យឈ្មោះថា “វត្តព្រះអង្គធំ” ហើយពុទ្ធបរិស័ទតែងតែចង់ទៅកាន់ទីនោះ ដើម្បីបួងសួងសុំសេចក្តីសុខចម្រើន ។ សម្រាប់អ្នកប្រវត្តិវិទូពិតជាមិនឆ្ងល់ទេថា ភ្នំមួយនេះមានចម្លាក់បែបព្រហ្មញសាសនាផងដែលកាលណោះ ខ្មែរចេះគួបផ្សំ យ៉ាងប៉ិនប្រសព្វរវាងសាសនាទាំងពីរ ។ ទោះបីជាមានការលំបាកច្រើនក្នុងការ ធ្វើដំណើរទៅកាន់ភ្នំគូលែនយ៉ាងណាក៏ដោយ ក៏ប៉ុន្តែស្ទើរតែនៅពេញប្រទេស ព្រះសង្ឃ គ្រូហ្ម អ្នកកាន់សីល តាបសឥសី តែងតែធ្វើដំណើរទៅធ្វើធម៌នៅទីនោះ ជារៀងដរាប ពីព្រោះគេជឿថាទីនោះនៅមានអ្នកសច្ចំ អ្នកមានឫទ្ធិបារមីក្រៅភព អាចជួយឱ្យគ្រូហ្ម អ្នកកាន់សីលទាន បានសម្រេចនូវសេចក្តីប្រាថ្នារបស់ខ្លួន ។       លោកពូ ផាត់ ផាន ភ្ញៀវទេសចរខ្មែរដែលកំពុងងូតទឹកធ្លាក់ភ្នំគូលែនជាមួយ បងស្រីរបស់គាត់បានឱ្យដឹងថា ការមកកម្សាន្តនៅទីនេះធ្វើឱ្យអារម្មណ៍របស់គាត់ ភ្លឺថ្លា និង មានសេចក្តីសុខក្រៃលែង គាត់គិតថាទីនេះជាឋានសួគ៌សម្រាប់ភ្ញៀវ ទេសចរ ។       លោក ឆើត ឆន ដែលជាអនុប្រធានមន្ទីរទេសចរណ៍ខេត្តសៀមរាបបាន ឱ្យដឹងថានៅឆ្នាំ ២០១១ កន្លងទៅមានភ្ញៀវទេសចរមកលេងខេត្តសៀមរាបសរុប ៣.៣១១.៤២៦ នាក់ កើន ១៥,៨ ភាគរយ លើសឆ្នាំ ២០១០ ក្នុងនោះភ្ញៀវបរទេស ចំនួន ១.៦១០.០៧៦ នាក់ កើនលើសឆ្នាំ ២០១០ ចំនួន ២១,៧៩ ភាគរយ ។ ចំណែកឯភ្ញៀវដែលទៅទស្សនាភ្នំគូលែនទាំងបរទេស និង ខ្មែរ មានចំនួនរហូត ដល់ ២៥.៥៦២ នាក់ ។       ដោយសារតែភ្នំគូលែនមានកន្លែងគោរពសក្ការៈដ៏អស្ចារ្យ និង មានទេស ភាពគួរជាទីទាក់ទាញបែបនេះ ហើយបានជាទីនេះនៅតែមានភ្ញៀវទេសចរមក ទស្សនាជាច្រើនឥតដាច់ ៕

Read more »

ទស្សនា​ខេត្តតាកែវ​

ថ្ងៃទី 27 កុម្ភៈ 2012
CEN

ភ្ញៀវទៅកម្សាន្តនៅរមណីយដ្ឋានភ្នំតាម៉ៅ នាពេលបុណ្យចូលឆ្នាំខ្មែរ ឆ្នាំ២០១១

តាកែវ​:តាកែវ ជា​ខេត្ត​មួយ តែងតែ​ត្រូវបាន​មើលរំលង​ពី​ទេសចរ​បរទេស​។ ប៉ុន្តែ​ទទួល​ចំណាត់ថ្នាក់​ខ្ពស់​ពី​ប្រជាជន​ក្នុងប្រទេស ដែល​ធ្វើដំណើរ​ទៅ​ខេត្ត​នេះដើម្បី​ទស្សនា​ប្រាសាទ និង​កន្លែង​ទេសចរណ៍ធម្មជាតិ​ជាច្រើន​។ ខេត្តតាកែវ មាន​ទីតាំង​ជាប់​នឹង​ខេត្តកណ្ដាល កំពត និង​កំពង់ស្ពឺ ព្រមទាំង​ជាប់​ប្រទេស​វៀតណាម​។​
​អំឡុងពេល​ធ្វើដំណើរ​ឆ្ពោះទៅ​ខេត្តតាកែវ សូម​ធ្វើដំណើរចូលទៅ​កាន់​ភ្នំ​ជី​សូរ ដើម្បី​ទស្សនា​ប្រាសាទដែល​បន្សល់ទុក​ពី​សតវត្សរ៍​ទី​១១ នៃ​សម័យអង្គរ​។ ប្រាសាទ​នេះ​បាន​កសាង​នៅលើ​កំពូលភ្នំ ដែល​ព័ទ្ធជុំវិញដោយ​ទេសភាព​ជនបទ​។ ជណ្ដើរ​ឡើង​ប្រាសាទ​មាន​ចំនួន ៥០៣ កាំ យ៉ាងរឹងមាំ​។ ទេសភាពនៃ​ជនបទ​នេះ ពិតជា​ធ្វើ​ឲ្យ​មានការ​ចាប់អារម្មណ៍​យ៉ាងខ្លាំង​។ ប្រាសាទបុរាណ​នេះ មាន​សកម្មភាព​ឡើងវិញ ដែល​ពុទ្ធសាសនិកជន ធ្វើ​ធម្ម​យាត្រា​ទៅ​ទីនោះ ក្នុងឱកាស​បុណ្យ​សាសនា​ផ្សេងៗ​។ ចម្លាក់​ដ៏​វិចិត្រនៃ​អាទិទេព​ឥណ្ឌូ អាច​ឃើញ​បាន​នៅលើ​ប៉ម​របស់​បណ្ណាល័យ​។ ធ្នឹម​ធ្វើ​ពី​ថ្មភក់​ដ៏​ស្រស់ស្អាតនៅ​ខាង​ពីលើ​មាត់ទ្វារ និង​ចម្លាក់​តែមួយគត់ ដែល​តុបតែង​ទ្វារ​ឈើ​របស់​ប្រាសាទធំ​ ។​

អ្នក​អាច​រីករាយ​នឹង​ដំណើរ​កម្សាន្ដតាម​ទូក តាម​ទន្លេ ទៅ​ទស្សនា​សារមន្ទីរ​បុរាណវត្ថុ​អង្គរបុរី និង​បន្ទាប់មក​ទៅ​កន្លែង​មួយទៀតនៃ​ប្រាសាទភ្នំដា​។
​ប្រាសាទនាងខ្មៅ មាន​ទីតាំងនៅ​ក្នុងស្រុក​សំរោង​។ នេះ​ជា​ប្រាសាទ​ដែល​កសាង​ពី​ថ្មភក់ និង​ឥដ្ឋ​អំឡុង​សតវត្សរ៍​ទី​១០ ប៉ុន្តែ​ភាគច្រើន​នៃ​ផ្នែក​របស់​ប្រាសាទនាងខ្មៅ ត្រូវបាន​បំផ្លាញ​។
​ទន្លេបាទី ជា​បឹង​តូច​មួយ​មាន​ទីតាំង​នៅតាម​បណ្ដោយ​ផ្លូវជាតិ​លេខ​២ ប្រហែល ៣៥ គីឡូម៉ែត្រ ភាគខាងត្បូង​ទីក្រុង​ភ្នំពេញ​។ ទីនេះ ជា​ទិសដៅ​ទេសចរណ៍ ដ៏​មាន​ប្រជាប្រិយ​នាពេល​ចុង​សប្ដាហ៍​សម្រាប់​ប្រជាជន​ក្នុងស្រុក​។ ខ្ទម​ឫស្សី​ធ្វើជា​ជួរ​តាម​បណ្ដោយ​មាត់បឹង ​ធ្វើឲ្យ​រមណីយដ្ឋាន​មាន​ស្ទីល​បែប​សុខដុម​ជាមួយនឹង​អាហារ ភេសជ្ជៈ និង​កន្លែង​ដើម្បី​លំហែ​ពី​ការងារ​ដ៏​តានតឹង​។ ទីនេះ​ក៏​ជា​កន្លែង​ស្ទួ​ច​ត្រី​ដ៏​មាន​ប្រជាប្រិយ​មួយ​សម្រាប់អ្នកទេសចរ​ និង​ប្រជាជន​ក្នុងស្រុក​។​

នៅ​ជិត​បឹង​ទន្លេបាទី តាម​បណ្ដោយ​ផ្លូវជាតិ​ឆ្ពោះទៅកាន់​ខេត្តតាកែវ គឺជា​ប្រាសាទតាព្រហ្ម ដែល​បាន​កសាង​នា​សម័យអង្គរ​សតវត្សរ៍​ទី​១២ ដោយ​ព្រះបាទ​ជយ​វរ្ម័នទី​៧ ដែល​បាន​ថែរក្សា​ទុក​យ៉ាង​ល្អ​។ ប្រាសាទយាយពៅ ជា​ប្រាសាទ​សម័យអង្គរ​មួយទៀត ដែល​នៅ​ជិត​ទន្លេបាទី​ដែរ​ ។ ប្រាសាទ​មួយក្នុងចំណោម​ប្រាសាទ​ទាំងពីរ​នោះ គឺ​ប្រាសាទតាព្រហ្ម មាន​វិសាលភាព​ធំ​ជាង និង​គួរ​ឲ្យ​ចាប់អារម្មណ៍​ជាង ដែលមាន​ចម្លាក់​ដ៏​ស្រស់ស្អាត ដែល​បាន​ថែរក្សា​ទុក​យ៉ាង​ល្អ​មួយចំនួន​។ ប្រាសាទយាយពៅ ជា​ប៉ម​ថ្មភក់​តែមួយ មាន​ទីតាំងនៅ​ជិត​វត្ត​ព្រះពុទ្ធសាសនា​មួយ​។ ឈ្មោះ​យាយ​ពៅ ពិតជា​ត្រូវបាន​ដាក់ឈ្មោះ​របស់​ព្រះ​មាតា ស្ដេច​តា​ព្រហ្ម​។​

ខ្ចុសបណ្តែតទឹក នៅរមណីយដ្ឋានទន្លេបាទី

មជ្ឈមណ្ឌល​សង្គ្រោះ​ជីវិត​សត្វព្រៃ​នៅ​ភ្នំ​តា​មៅ មាន​ផ្ទៃដី​សរុប ១.២០០ ហិកតា​។ មជ្ឈមណ្ឌល​នេះ បង្កើតឡើង​ដើម្បី​ថែរក្សា​សត្វព្រៃ​ដ៏​កម្រ ដែល​បាន​ជួយសង្គ្រោះ និង​មាន​គ្រោះថ្នាក់​ក្នុងប្រទេស​។ ៨០ ហិកតា នៃ​ផ្ទៃដី ត្រូវបាន​រក្សា​ទុកជា​សួនសត្វ សម្រាប់​ភ្ញៀវ​ចូល​ទស្សនា​។ នៅ​ទីនោះ មាន​សត្វព្រៃ​ជាច្រើន ដែល​សត្វ​ជាច្រើន​ប្រភេទស្ថិតនៅក្នុង​គ្រោះថ្នាក់​។ សួនសត្វ​ត្រូវបាន​ថែរក្សា​យ៉ាង​ល្អ និង​ជាការ​ទាក់ទាញ​ទេសចរ​ដ៏​មាន​ប្រជាប្រិយ​ផងដែរ​ ៕S​

Read more »

ព្រះអង្គ​ដង​កើ នៅតែ​ទាក់ទាញ​អ្នក​ក្នុងស្រុក និង​ក្រៅ​ស្រុក​

ដោយ : ខឿន សាឃាង
ថ្ងៃទី 27 កុម្ភៈ 2012
CEN

ប្រជាជន កំពុង បន់ស្រន់ បួងសួង ព្រះ ពិស្ណុ ហៅ ព្រះអង្គ ដង កើ ឬ ព្រះអង្គ ដងទង់ ឬ ព្រះអង្គ កងចក្រ នៅមុខ ព្រះបរមរាជវាំង ( រូប ថ តៈ សា ឃាង )

ភ្នំពេញ: ព្រះអង្គ​ដង​កើ ឬ​ព្រះអង្គ​ដងទង់ នៅតែ​ទាក់ទាញ​បាន​ជំនឿ​ពី​មនុ​ស្សទាំង​ក្នុងប្រទេស និង​ក្រៅប្រទេស ដែល​ក្នុង​មួយថ្ងៃមាន​មនុស្ស​ចូល​បន់ស្រន់ ១០០ ទៅ ៥០០ នាក់​។ ដងទង់ ឬ​ព្រះអង្គ​ដង​កើ កសាង​ក្រោយ​ព្រះបរមរាជវាំង​បន្តិច ឬ​ក្នុង​រជ្ជកាល​ព្រះករុណា​ព្រះបាទ ស៊ីសុវត្ថិ​។​
​ ​
“​បើ​អ្នក​មិនបាន​ធ្វើ​ខុស​មែន តើ​ហ៊ាន​ស្បថ​ឱ្យ​ខ្ញុំ នៅមុខ​ព្រះអង្គ​ដង​កើ​ទេ​?”​។ ប្រយោគ​នេះ នរណានៅទីណា​ក៏​ឮ​ដែរ ហើយ​វា​បញ្ជាក់​អំពី​ព្រះអង្គ​ដង​កើ មាន​ទម្ងន់​ប៉ុនណា នៅក្នុង​ផ្នត់គំនិត​ប្រជាជន​ខ្មែរ​។ ពិតមែន ទោះជា​សម័យ​ជឿនលឿន ហើយ​ប្រជាជន​កម្ពុជា​ទូទាំងប្រទេស ជាទូទៅ​ជា​អ្នក​គោរព​ព្រះពុទ្ធសាសនា ហើយ​ព្រះពុទ្ធ​បង្រៀន​សាសនិក​របស់​ព្រះអង្គ “​កុំឱ្យ​បន់ស្រន់​”​ក្តី ក៏​ព្រះ​ពិស្ណុ ឬ​លោ​កេ​ស្វ​រៈ ហៅ ព្រះអង្គ​ដង​កើ ឬ​ព្រះអង្គ​ដងទង់ ដែល​អ្នកខ្លះ​ហៅថា ព្រះអង្គ​កងចក្រ នា​មាត់ទន្លេ​មុខ​ព្រះបរមរាជវាំង នៅតែមាន​មនុស្ស​ចូលទៅ​បួងសួង​បន់ស្រន់​យ៉ាងច្រើន​ឥត​ដាច់​ដែរ​។

ព្រះវិហារ ​ព្រះអង្គ​ដង​កើ នៅមុខ​វាំង ក្នុង​រាជធានី​ភ្នំពេញ នៅតែ​ស្ថិតក្នុង​ជំនឿ​ដ៏​ជ្រៅ​របស់​ពលរដ្ឋ​គ្រប់​ជាតិ​សាសន៍ (​រូប​ថ​តៈ សា​ឃាង​)​

អ្នក​មក​បែបន់​នៅ​ព្រះអង្គ​ដង​កើ មាន​ទាំង​ខ្មែរ ចិន វៀតណាម ទាំង​យុវជន ទាំង​មនុស្ស​វ័យ​កណ្តាល វ័យ​ចំណាស់ ទាំង​អ្នក​នៅ​ភ្នំពេញ ទាំង​អ្នក​មកពី​បណ្តា​ខេត្ត​នានា និង​ទាំង​អ្នក​នៅក្រៅ​ប្រទេស​។​
​ទី​សក្ការ​បូ​ជាមួយនេះ ទ្វារ​ចាប់ផ្តើម​ទទួល​អ្នក​មក​បួងសួង​នៅ​ម៉ោង ៦ ព្រឹក​។ លោកតា សុន អាចារ្យ​ប្រចាំ​នៅ​ព្រះអង្គ​ដង​កើ ជាង ២០ ឆ្នាំ​មកហើយ បានឱ្យដឹងថា “​នៅ​ថ្ងៃ​ធម្មតា ព្រះអង្គ​ដង​កើ បើកទ្វារ​ចប់​ពី​ម៉ោង ៦ ព្រឹក ហើយ​បិទទ្វារ នៅ​ម៉ោង ៨ យប់ ដោយមាន​មនុស្ស​មក​បន់ស្រន់​ប្រមាណ​ជា ១០០ នាក់​។ រីឯ​ថ្ងៃសីល ទ្វារ​ត្រូវ​ពន្យារពេល រហូតដល់​ម៉ោង ៩ ឬ ១០ យប់ ហើយ​មាន​មនុស្ស​មក​បន់ស្រន់ ប្រមាណ​ជា ៥០០ នាក់​”​។
​លោក​អាចារ្យ​វ័យ ៤៨ ឆ្នាំ​រូបនេះ បាន​បន្ថែមទៀតថា “​ការ​បន់ស្រន់​នៅទីនេះ ពុំមាន​កំណត់​តម្លៃ ឬ​គ្រឿង​បូជា​អ្វី​ឡើយ​។ ហេតុនេះ​ទើប​អ្នក​ខ្លះមក​បន់ស្រន់ ដោយមាន​ផ្កា ធូប ។ ល ។ និង​ថវិកា​តិច​ច្រើន​។ ឯ​អ្នកខ្លះដែល​ទ័លក្រ​មែនទែន ក៏​មក​បួងសួងដោយ​ដៃទទេ​ក៏មាន​”​។​
​យើង​ពុំ​បានដឹង​ពី​សាវតារដើម​ដាន​ឡើយ ប៉ុន្តែ​មើលទៅ​យើង​អាច​ដឹងថា កំលោះ​ក្រមុំ​ពីររូប​នោះ ជា​គូស្នេហ៍​នឹង​គ្នា​។ ដោយ​ទឹកមុខ​ក្រៀមក្រំ បន្ទាប់ពី​អង្គុយបត់ជើងកាន់​ធូប លើកដៃ​ប្រណម្យ​បួងសួងប្រមាណ​ជា​ប្រាំ​នាទី នៅមុខ​រូបសំណាកនៃ​ព្រះ​លោ​កេ​ស្វរៈ ឬ​ព្រះអង្គ​កងចក្រ ឬ​ព្រះអង្គ​ដង​កើ ដែល​គេ​ដាក់តាំង​នៅក្នុង​វិហារ​ដ៏​តូច​ច្រឡឹង​មួយនា​មុខ​ព្រះបរមរាជវាំង មាណវី វ័យ​ប្រមាណ ២៥ ឆ្នាំ កែវភ្នែក​រលីងរលោង វាចា​ដោយ​សំឡេងស្អកៗ​ថា “​សូមឱ្យ​ព្រះអង្គ​ដង​កើ ជួយ​បន្ទន់ចិត្ត​ប៉ា​ម៉ាក់ ព្រមឱ្យ​ពួក​ខ្ញុំបាន​រៀបការ​នឹង​គ្នា និង​រស់នៅ​ជាមួយគ្នា ដោយ​សុខសាន្ត​អស់​មួយជីវិត​!”​ ។​
​នៅ​អែប​ផើង​ជើងធូប នា​បរិវេណ​ខាងមុខ​បូជនីយដ្ឋាន​នេះដែរ កញ្ញា គីម ឡាយ វ័យ ២៥ ឆ្នាំ កំពុង​ដោត​ធូប បន្ទាប់ពី​បាន​ចូលទៅ​បន់ស្រន់​ព្រះអង្គ​ដង​កើ បានឱ្យដឹងថា នាង​បន់ស្រន់ សូមឱ្យ​ព្រះអង្គ ជួយ​ប្អូនប្រុស​របស់​នាង​អាយុ ២១ ឆ្នាំ ដែល​កំពុង​សន្លប់​បាត់ស្មារតី​មួយ​សប្តាហ៍​មកហើយដោយ​គ្រោះថ្នាក់​ចរាចរណ៍ ឆ្លង​រួច​មរណ​គ្រោះ ឆាប់​បានដឹងខ្លួន​ឡើងវិញ និង​បានជា​សះស្បើយ​។​
​នារី​ខ្មែរ​កាត់​ចិន​រូបនេះ បាន​និយាយ​ពី​ប្រសិទ្ធភាពនៃ​ការ​បន់ស្រន់​កន្លងមក​ថា “​ពេល​មាន​បញ្ហា​ធ្ងន់ធ្ងរ​កើតឡើង គ្រួសារ​ខ្ញុំ​តែងតែ​មក​បន់ស្រន់​នៅទីនេះ ហើយក៏​បានឃើញ​ផល​សមបំណង​ជាច្រើន​។ បី​ឆ្នាំមុន ជីដូន​របស់ខ្ញុំ​ឈឺ ដាក់​ថ្នាំ​មិនត្រូវ​សោះ លុះ​ពេល​បន់ស្រន់​ព្រះអង្គ​ដង​កើ​នេះ​រួច គាត់​ក៏បាន​ធូរស្រាល​ជា​បន្តបន្ទាប់ រហូត​ជាសះស្បើយ​មកដល់​សព្វ​ថ្ងៃ” ​។​
​កាន់​នឹង​ដៃ​នូវ​បាច់​ផ្កាឈូក និង​គ្រឿង​ពលិការ​មួយចំនួន អ្នកស្រី ភិន សុ​ម៉ី អាយុ ៤៣ ឆ្នាំ ស្កាត់​មកពី​ខេត្តសៀមរាប បាន​និយាយ​ដោយ​សោមនស្ស​ថា “​ខ្ញុំ​មក​បន់លាបំណន់​”​ ។​
​ស្ត្រី​ជា​ភរិយា​របស់​មន្ត្រីនគរបាល​ស័ក្តិ​ថ្នាក់កណ្តាល​ម្នាក់នេះ បាន​បន្ថែមថា “​ខ្ញុំ​បាន​បន់ស្រន់ ឱ្យ​ស្វា​មី​ខ្ញុំ បានគេច​ផុតពី​គ្រោះកាច ​។ ឥឡូវនេះ គាត់​បាន​ត្រឡប់មកផ្ទះ​ដោយ​សុវត្ថិភាព ទោះជា​ត្រូវគេ​តាម​យាយី​យ៉ាងណាក៏ដោយ​”​ ។​
​ខ្មែរ​នៅ​បរទេស ក៏​នៅតែមាន​ជំនឿ​លើ​ព្រះអង្គ​ដង​កើ​នេះដែរ​ ។ លោក ឡុង សុ​ខេង អាណិកជន​ខ្មែរនៅ​ប្រទេស​អូស្ត្រាលី ជាមួយ​ភរិយា​ទើប​រៀបការ​រួច​ថ្មោងថ្មី អមដំណើរ​ដោយ​សាច់ញាតិ​បួន​-​ប្រាំ​នាក់​ទៀតនៅ​ស្រុក​ខ្មែរ បានមក​បន់ស្រន់​ព្រះអង្គ​ដង​កើ សូមឱ្យ​ភរិយា​របស់គាត់ ឆាប់​បាន​ចេញទៅ​រស់​បរទេស​ជាមួយ​គាត់​ ។
​បុរស​វ័យ ៤៨ ឆ្នាំ រូបនេះ បាន​បន្ថែមថា “​កាល​ប្រមាណ​ជាជាង​១០​ឆ្នាំមុន ខ្ញុំ​ធ្លាប់​មក​បន់ស្រន់​នៅទីនេះ ដើម្បី​បាន​ចេញទៅ​រស់នៅ​អូស្ត្រាលី​។ ខ្ញុំ​មានជំនឿថា ព្រះអង្គ​ពិតជា​អាចជួយ​ភរិយា​របស់ខ្ញុំ​បាន​”​ ។​
​ទីទៃ​ពី​ការ​បួងសួង​ទៅ អ្នក​មក​បន់ស្រន់​ទីនេះ​ក៏​នៅ​មានជំនឿថា ការលែង​សត្វ​បក្សី ក៏​ជា​វិធី​រំដោះគ្រោះ និង​បញ្ចៀ​ស​គ្រោះកាច​នានា និង​នាំមក​នូវ​សិរី​សួស្តី​ផងដែរ ​។​
​លោក​អាចារ្យប្រចាំការ​នៅ​ព្រះអង្គ​ដង​កើ បាន​ឱ្យដឹងពី​ប្រាក់ចំណូល ដែល​គេ​បូជា​ព្រះអង្គ​ដង​កើ​នេះ​ថា “​គណៈកម្មការ​រៀបចំ​បុណ្យជាតិ​-​អន្តរជាតិ ជា​អ្នកកាន់កាប់​។ ឯខ្ញុំ​ជា​អាចារ្យ មាន​សិទ្ធិ​ទទួល​បានតែ​ប្រាក់ដែល​អ្នក​មក​បន់ស្រន់ ជូន​ដោយផ្ទាល់​ប៉ុណ្ណោះ​”​ ។​
​ចំណែក​បញ្ហា​សន្តិសុខ លោក ជី​ម សុខ​ហាក់ ជា​ប៉ូលិស​ប្រចាំការ​នៅ​ព្រះអង្គ​ដង​កើ បានឱ្យដឹងថា “​ជាទូទៅ យើង​ខំ​ការពារ​បានល្អ ប៉ុន្តែ​មាន​ម្តងម្កាល​ដែរ ជាពិសេស​ថ្ងៃសីល ដែលមាន​មនុស្ស​ច្រើន​ប្រជ្រៀត​គ្នា ក៏មាន​ជនខិលខូចដែល​យើង​មិន​ស្គាល់​មុខសញ្ញា បន្លំ​ខ្លួន ជាមួយ​អ្នក​មក​បន់ស្រន់​ ធ្វើឱ្យ​យើង​ស្មានថាជា​អ្នក​មក​បន់ស្រន់​ដែរ ទើប​ពួកគេ​មានឱកាស​លួច​លូក​ហោប៉ៅយក​ទូរស័ព្ទ ឬ​កាបូប​ភ្ញៀវ​” ​។​
​ឯកសារ​ដែល​ចេញផ្សាយ​ដោយ​គណៈកម្មការ​រៀបចំ​បុណ្យជាតិ​-​អន្តរជាតិ ដែល​ចងក្រង​តាម​ការនិទាន បង្ហាញថា ព្រះអង្គ​ដង​កើ ឬ​ដងទង់ ត្រូវបាន​កសាងឡើង​ក្រោយ​ព្រះបរមរាជវាំង​ចតុមុខសព្វថ្ងៃនេះ​បន្តិច ប៉ុន្តែ​ប្រហាក់ប្រហែលគ្នា​នឹង​អាយុកាលនៃ​ប្រាសាទ​ទេវា​ភោជនីយ ,​ប្រា​សាទច​ន្ទ​ច្ឆាយា​, និង​ប្រាសាទ​សំរឹទ្ធិ វិមាន​សម្រាន្ត​ភិរម្យ នា​ឆ្នាំ​១៩១៣ នៅក្នុង​រជ្ជកាល​ព្រះបាទ ស៊ីសុវត្ថិ​ ។
​ឯកសារ​ដដែល​នេះ បាន​បន្ថែមថា ប្រជាជន​ចិននៅ​ប្រទេស​កម្ពុជា ដែលមាន​ជំនឿ​លើ​អ្នកតា ចាត់ទុក​ព្រះអង្គ​ដង​កើ ឬ​ព្រះអង្គ​កងចក្រ ថា​ជា​មេ ឬ​ជា​អ្នកគ្រប់គ្រង​លើ​អ្នកតា​ទូទាំងប្រទេស​ខ្មែរ មាន​តួនាទីដូចជា​កងទ័ព​ថែរក្សា​ប្រទេស ហើយ​ថា ព្រះអង្គ​កងចក្រ ជា​មេទ័ព​ធំ ឯ​អ្នកតា​ផ្សេងៗ ជា​មេទ័ព និង​ជា​កងទ័ព​ប្រចាំ​តំបន់​។ ហេតុនេះ ទើប​នៅក្នុង​ពិធីបុណ្យ​ហែអ្នកតាចិន គេ​ឃើញ​ក្បួន​ដង្ហែ​តែង​ចូល​គោរព​ព្រះអង្គ​ដង​កើ​នេះ​ជាមុន ទើប​ហែ​ទៅ​ទីណា​ផ្សេង​។
​ស្ទើរ​រាល់ថ្ងៃ ក្រៅពី​ពលរដ្ឋ​ខ្មែរ គេ​ក៏​បានឃើញ​ប្រជាជន​ចិន និង​វៀតណាម មក​បន់ស្រន់​នៅទីនេះ​ទាំង​ក្រុមៗ​ផងដែរ​។ ក៏ប៉ុន្តែ​ការ​បួងសួង បន់ស្រន់​គ្រប់​រូបភាព មិនមែនជា​ទង្វើ ក្នុង​ព្រះពុទ្ធសាសនា​ទេ ​៕S

Read more »

តំបន់​រ៉ា​ម​សារ ឬ​តំបន់ដីសើម នៅក្នុង​ប្រទេស​កម្ពុជា មាន​បី​កន្លែង​

ថ្ងៃទី 8 មីនា 2012
ដោយ: CEN

តំបន់ រ៉ា ម សារ នៅក្នុង ខេត្ត ស្ទឹងត្រែង

តំបន់​រ៉ា​ម​សារ ឬ​តំបន់ដីសើម នៅក្នុង​ប្រទេស​កម្ពុជា ត្រូវបាន​គេ​អះអាងថា មាន​ទាំងអស់​ចំនួន ៣ កន្លែង​ធំៗ​។ ក្នុងនោះតំបន់​ទឹកសាប មាន ២​កន្លែង និង​តំបន់ឆ្នេរ​មាន​មួយកន្លែង ​។
​ ​
​យោង​ទៅ​តាម​ការសិក្សា​មួយ ដែល​ធ្វើឡើង​ដោយ​សមាគម​ថែរក្សា​បរិស្ថាន និង​វប្បធម៌ បានឱ្យដឹងថា តំបន់​រ៉ា​ម​សារ ឬ​តំបន់ដីសើម​នេះ គឺ​មាន​នៅ​ទន្លេមេគង្គ​ខាងលើ ឬ​នៅ​ខាងជើង​ខេត្តស្ទឹងត្រែង បឹង​ទន្លេ​ឆ្មា នៅ​បឹង​ទន្លេសាប និង​នៅ​កោះ​កា​ប៉ិះ នៅក្នុង​តំបន់ឆ្នេរ​។
​ ​
​ប្រភព​ដដែល​នោះ​បាន​ឱ្យដឹងថា តំបន់​រ៉ា​ម​សារ​ទាំងនោះ គឺជា​ប្រភព​នៃ​ដង្ហើម​កសិកម្ម និង​ជីវសាស្ត្រ​ចម្រុះ នៅក្នុង​ប្រទេស​កម្ពុជា​ដ៏​សំខាន់​មួយ​។
​ប្រភព​ដដែល​នោះ​បាន​ឱ្យដឹងថា ទីនោះ​គឺជា​ប្រភព​ផ្គត់​ផ្គង​ជីវភាព​មួយ​ដ៏​សំខាន់​របស់​ប្រជាពលរដ្ឋ​ មូលដ្ឋាន និង​ជា​កន្លែង​អភិរក្ស​ធនធានធម្មជាតិ និង​ជីវសាស្ត្រ​ចម្រុះ​មួយ​ដ៏​សម្បូរបែប​។
​លោក ព្រំ សាវ៉ាត ប្រជាពលរដ្ឋ​មួយ​រូប បានឱ្យដឹងថា សព្វថ្ងៃនេះ តំបន់​រ៉ា​ម​សារ គឺជា​ប្រភព​ផ្តល់​ជីជាតិ សម្រាប់​ដំណាំ​ចម្ការ និង​ជា​កន្លែងដែល​ប្រជាពលរដ្ឋ​អាចនឹងទទួល​បាន​នូវ​អនុផល​ព្រៃឈើ និង​ម្ហូបអាហារ ដូចជា​ពពួក​ត្រី​សាច់​ធម្មជាតិ មាន​កង្កែប បន្លែ និង​ផ្លែឈើ​ជាច្រើន​ប្រភេទ​។
​លោក​បាន​បន្តទៀតថា មកដល់ពេលនេះ តំបន់​រ៉ា​ម​សារ​មួយចំនួន ក៏​កំពុងតែ​រងគ្រោះ​នឹង​ការ​រុករាន​ពី​អ្នក​ចំណូល​ខាង​ក្រៅ​ផង​ដែរ​។ ដូចជា ការកាប់បំផ្លាញ​ព្រៃ​លិច​ទឹក​ដែល​ជា​ដែន​ជម្រក​ត្រី ការប្រែប្រួល​អាកាសធាតុ និង​នេសាទ និង​ប្រមូល​អនុផល​ព្រៃឈើ និង​សត្វព្រៃ​ខុស​ច្បាប់​ផ្សេងៗ​។
​ចំណែក​លោក ម៉ៅ សារ៉េត ប្រធាន​គណៈកម្មាធិការ​សហគមន៍​នេសាទ នៃ​អន្លង់​កោះ​កាង នៅក្នុង​ខេត្ត​ស្ទឹងត្រែង បានឱ្យដឹងថា សព្វថ្ងៃ​នេះ​តំបន់​រ៉ា​ម​សារ គឺជា​អន្លង់​ត្រី​មេ​ពូជ ដែន​ជម្រក​សត្វ​ស្លាប និង​ល្មូ​ន​ជាច្រើន​ប្រភេទ ​។
​ ​
កម្ពុជា បាន​ចូល​ជា​សមាជិក​នៃ​អនុសញ្ញា​ពិភពលោក ស្តីអំពីតំបន់​រ៉ា​ម​សារ​នេះ កាល​ឆ្នាំ​១៩៩៩ ក្រោយពេល​ដែល​អនុសញ្ញា​នេះបាន​បង្កើតឡើង​តាំងតែ​ពី​ឆ្នាំ​១៩៧១៕S

Read more »

អគារ​ខ្ពស់ ចាប់ពី ១០​ជាន់ មាន​ជាង​១០០ និង ៤០​ជាន់​ឡើង ទៅ​មាន​ជាង ២០ នៅ​ភ្នំពេញ​

ថ្ងៃទី 11 មីនា 2012
ដោយ: មុនីរ័ត្ន
CEN

សំណង់អគារ ៤២ ជាន់ ដែលផ្អាកដំណើរការយូរឆ្នាំមកហើយ នៅអតីតមន្ទីរពេទ្យចិន ក្នុងរាជធានីភ្នំពេញ

ភ្នំពេញ: ​លោក នួន សា​មេ​ធ អភិបាលរង​សាលា​រាជធានី​ភ្នំពេញ បាន​មានប្រសាសន៍​នៅក្នុង​ពិធី​សម្ពោធ​ជា​ផ្លូវការ​សួន​កំសាន្ត​ឌ្រី​ម​លែ​ន​ ឌ៍ កាលពី​ព្រឹក​ថ្ងៃទី​១១ មីនា ឆ្នាំ​២០១២ ថា បញ្ហា​សំណង់​នៅក្នុង​រាជធានី​ភ្នំពេញ គឺ​អគារ​ខ្ពស់ៗ​ចាប់ពី ១០​ជាន់​ឡើងទៅ មាន​ជាង ១០០ សំណង់​ហើយ ហើយ​អគារ ៤០ ជាន់​ឡើងលើ មាន​ជាង ២០ សំណង់​។​
​លោក នួន សា​មេ​ធ បាន​បន្តថា សំណង់​អគារ​ខ្ពស់ៗ​នេះ កំពុងតែ​រីក​នៅ​ជាយក្រុង ពិសេស​នៅ​តំបន់​ទិស​ខាងជើង ភាគ​ខាងលិច​ជាយ​រាជធានី​ភ្នំពេញ ដូចជា ម្តុំ​ភ្នំពេញ​ថ្មី កំពុងតែ​រីក​នៅ​តំបន់​នោះ​។ សំណង់​នេះ ក៏​ចោទ​ជា​បញ្ហា សម្រាប់​រាជធានី​ភ្នំពេញ​ដែរ ផ្នែក​តាម​លទ្ធភាព តាម​គោលការណ៍ ដែល​កំណត់​ដោយ​ក្រសួង​ដែនដី​។ សំណង់​ដែល​សាលា​រាជធានី​ភ្នំពេញ មាន​សិទ្ធិ​សម្រេច​ឲ្យ​សាងសង់ គឺ​នៅ​ក្រោម ៣.០០០ ម៉ែត្រការ៉េ​។ លើសពីនេះ គឺ​ក្រសួង​ដែនដី ជា​អ្នកសម្រេច​។
​លោក នួន សុមេធ បាន​បន្ថែមថា “​សំណង់​ដែល​ជៀស​មិន​ផុត​ពី​បញ្ហា ក្នុង​ការកសាង ដោយសា​តែ​គ្មាន​ច្បាប់​អនុញ្ញាត ឬ​សាងសង់​ខុស​ប្លង់ ដោយ​ម្ចាស់​សំណង់ ឆ្លៀតឱកាស ព្រោះ​តែ​ដី​វា​ថ្លៃ​។ អញ្ចឹង​ឆ្លៀតឱកាស​ពេល​ហ្នឹង គឺ​មាន​ការសាងសង់ ដោយ​ខុសច្បាប់​។ បញ្ហា​នេះ ក៏​កំពុងតែ​ចោទ​ជា​បញ្ហា​ដែរ​”​។​
​លោក​អភិបាលរង​សាលា​រាជធានី​ភ្នំពេញ​បាន​បញ្ជាក់ថា “​ជា​ពិសេស​សំណង់​បុរី ឬក៏​សំណង់​ផ្ទះល្វែង​។ យើង​គិតថា បើ​គាត់​សង់​ទៅតាម​ប្លង់​បច្ចេកទេស មិន​ចោទ​ជា​បញ្ហា​ទេ​។ តែ​បើ​គាត់​លួច​សង់ លួច​បច្ចេកទេស​នោះ តើ​នៅពេល ១០ ទៅ ២០ ឆ្នាំ ទៅ​មុខទៀត ដែល​មាន​អគារ​ខ្លះ វា​មាន ៤ ៥ ឬ ៦​ជាន់ តើ​វា​យ៉ាងម៉េច​? តើ​វា​ស្រុត​យ៉ាង​ម៉េច​?​។ នេះ​ហើយ​ជា​បញ្ហា​ចោទ​ទៅ​ថ្ងៃមុខ​។ នេះ​ជា​ការទទួលខុសត្រូវរ​បស់​អាជ្ញាធរ​ដែនដី​”៕​

Read more »

សំណង់​ទ្វារ​ទឹក​បុរាណ​១​ត្រូវ​បាន​រក​ឃើញ​នៅ​ខេត្ត​សៀមរាប

ដោយ ហង្ស សាវយុត
2012-03-09
​វិទ្យុ​អាស៊ីសេរី
មន្ត្រី​រដ្ឋាភិបាល​កម្ពុជា បាន​ប្រកាស​ឱ្យ​ដឹង​ជា​សាធារណៈ​ថា គេ​បាន​រក​ឃើញ​ច្រក​ទ្វារ​ទឹក​បុរាណ​សម្រាប់​បង្វែរ​ទិស​ដៅ​មុខ​ទឹក​ដ៏​ សំខាន់​មួយ​របស់​សម័យ​អង្គរ។

២៤-កញ្ញា-២០១១៖ ទឹក ជំនន់ ជន់ លិច ប្រាសាទ នាគព័ន្ធ ស្ថិត ក្នុង ខេត្ត សៀមរាប។ (RFA/Hang Savyouth)

រដ្ឋាភិបាល​អះអាង​ថា នេះ​គឺជា​ការ​រក​ឃើញ​ដ៏​ធំ​មួយ​ដែល​ជា​ច្រើន​រយ​ឆ្នាំ​កន្លង​មក​ហើយ មិន​ដែល​ មាន​ក្រុម​អ្នកបច្ចេកទេស​ណា​ស្រាវជ្រាវ​រក​ឃើញ​នោះ​ទេ។
ក្រុម​អ្នក​បច្ចេកទេស​របស់​អាជ្ញាធរ​អប្សរា ទទួលបន្ទុក​ការពារ និង​ថែរក្សា​ប្រាសាទ​បុរាណ​នៅ​ខេត្ត​សៀមរាប បាន​ឱ្យ​ដឹង​ថា សំណង់​ទ្វារ​ទឹក​បុរាណ​មួយ​កន្លែង​ដែល​ទើប​នឹង​រក​ឃើញ​នោះ ធ្វើ​អំពី​ថ្ម​បាយក្រៀម មាន​អាយុកាល​ជាង​ពាន់​ឆ្នាំ​មក​ហើយ។
សំណង់​ទ្វារ​ទឹក​បុរាណ​នោះ​មាន​សារសំខាន់​បំផុត​សម្រាប់​បង្ហូរ​ទឹក​យក​ ទៅ​ប្រើ​ប្រាស់​លើ​វិស័យ​កសិកម្ម ការពារ​ប្រាសាទ​បុរាណ​នានា និង​ទីក្រុង​ឱ្យ​គេច​ផុត​ពី​ទឹក​ជំនន់។
លោក ហង់ ពៅ ជា​អគ្គនាយក​រង​អាជ្ញាធរ​អប្សរា ទទួល​បន្ទុក​ផ្នែក​ទឹក និង​ព្រៃឈើ។ លោក​បាន​មាន​ប្រសាសន៍​កាល​ពី​ព្រឹក​ថ្ងៃ​សុក្រ ទី​៩ ខែ​មីនា ថា តាម​ការសិក្សា​ផ្នែក​វិទ្យាសាស្ត្រ គឺ​គេ​បាន​រក​ទ្វារ​ទឹក​បុរាណ​នោះ​ឃើញ​ជា​ច្រើន​ឆ្នាំ​មក​ហើយ ក៏​ប៉ុន្តែ​គ្រាន់​តែ​ថា ក្រុម​អ្នកបច្ចេកទេស​ត្រូវការ​ជួសជុល​ភាព​ខូច​ខាត​ទាំងនោះ​ឱ្យ​ប្រសើរ​ឡើង​ វិញ​សិន។
លោក ហង់ ពៅ បាន​មាន​ប្រសាសន៍​ថា សំណង់​ទ្វារ​ទឹក​បុរាណ​មួយ​នោះ​មិន​មែន​មាន​តួនាទី​សំខាន់​សម្រាប់​តែ​ការ​ អភិរក្ស​តំបន់​ប្រាសាទ និង​ទីក្រុង​ចាស់​កាល​ពី​សម័យ​បុរាណ​តែ​ប៉ុណ្ណោះ​ទេ គឺ​វា​ក៏​អាច​ការពារ​ទឹក​ជំនន់​សម្រាប់​តំបន់​ទីក្រុង​សៀមរាប ទាំងមូល​នា​ពេល​បច្ចុប្បន្ន​នេះ​បាន​ផង​ដែរ។
លោក ហង់ ពៅ៖ «វា​មាន​សំណង់​ជា​ស្ពាន​ចាស់​មួយ​​ដែល​យើង​ហៅ​ថា ស្ពាន (ធំ) ដែល​គេ​ធ្វើ​ពី​ថ្ម​បាយក្រៀម ដូច​ស្ពាន​កំពង់ក្ដី​អ៊ីចឹង។ បើ​យើង​គិត​មើល​ទៅ​ការ​ដែល​ធ្វើ​កំណត់​វិភាគ​បែប​វិទ្យាសាស្ត្រ​នៅ​លើ​ស្ពាន ​ហ្នឹង វា​អត់​ទាន់​កំណត់​វិភាគ​ទេ ក៏​ប៉ុន្តែ​វា​មាន​សំណង់​មួយ​ទៀត​នៅ​ខាង​លើ ដែល​វា​ធ្វើ​តាំង​ពី​សតវត្ស​ទី​៩ យើង​ហៅ​បំពេញ​រាជ្យ​នោះ។ គឺ​ប្រព័ន្ធ​នោះ​ស្រដៀង​នឹង​បំពេញ​រាជ្យ​ហ្នឹង​ដែរ»។
លោក សុខ អាន ឧបនាយករដ្ឋមន្ត្រី និង​ជា​រដ្ឋមន្ត្រី​ទីស្ដីការគណៈរដ្ឋមន្ត្រី។ លោក​បាន​មាន​ប្រសាសន៍​ថា សំណង់​ទ្វារ​ទឹក​បុរាណ​នោះ គឺ​សម្រាប់​ចែក​មុខ​ទឹក​ដែល​ចុះ​ពី​តំបន់​ភ្នំ​គូលែន ឱ្យ​ហូរ​ទៅ​តាម​ស្ទឹង​ចំនួន ៣ មាន​ស្ទឹង​រលួស ស្ទឹង​សៀមរាប និង​ស្ទឹង​ពួក ហើយ​ទ្វារ​ទឹក​នោះ ក៏​ចែក​ផ្លូវទឹក​ឱ្យ​ចូល​ទៅ​ក្នុង​បារាយណ៍​ធំៗ​ចំនួន ៣ របស់​ទីក្រុង​អង្គរ​ សម្រាប់​ធ្វើ​កសិកម្ម​ដោយ​មិន​ឱ្យ​ហូរ​ចោល​ទៅ​ក្នុង​បឹងទន្លេសាប ដោយ​មិន​បាន​ប្រើប្រាស់​​នោះ​ទេ។
លោក សុខ អាន បាន​មាន​ប្រសាសន៍​ទៀត​ថា ក្រៅ​ពី​វា​មាន​តួនាទី​សំខាន់​ក្នុង​ការ​បែង​ចែក​ផ្លូវ​ទឹក​ទៅ​តាម​ស្ទឹង និង​បារាយណ៍​ធំៗ​នោះ បារាយណ៍​ធំៗ​ក៏​បាន​នាំ​ទឹក​បញ្ចូល​ទៅ​តាម​កសិណ​អង្គរធំ អង្គរ​តូច​ ​ដែល​អាច​ការពារ​ឱ្យ​មាន​និរន្តរភាព ដល់​ប្រាសាទ​បុរាណ​ផង និង​ទីក្រុង​ផង។
លោក សុខ អាន ឧបនាយករដ្ឋមន្ត្រី និង​ជា​រដ្ឋមន្ត្រី​ទីស្ដីការ​គណៈរដ្ឋមន្ត្រី​មាន​ប្រសាសន៍​ថា៖ «ហើយ ​ដែល​ទឹក​ហ្នឹង​ជា​មូលដ្ឋាន​ដែល​សម័យ​អង្គរ​ធ្វើ​ស្រែ។ គេ​ប្រើ​ប្រព័ន្ធ​ធារាសាស្ត្រ​តូច​ថែម​ទៀត​ទៅ​ផ្នែក​លើ​ប្រព័ន្ធ​ទាំង ៣ ទឹក​ជាង ១០០​លាន​ម៉ែត្រ​គូប​ហ្នឹង។ អ៊ីចឹង​ទឹក​ហ្នឹង​ពេល​វា​មក​ខែ​វស្សា វា​នឹង​ចូល​មក​ក្នុង​ទ្វារ​ទឹក​ទាំង​អស់​ហ្នឹង ដោយ​មិន​ហូរ​ចោល​ទៅ​បឹង​ទន្លេសាប​ទេ ហើយ​ដែល​អាច​ការពារ​មិន​ឱ្យ​មាន​ការ​លិចលង់​ប្រាសាទ និង​ការពារ​មិន​ឱ្យ​លិចលង់​ទីក្រុង​សៀមរាប ដូច​ឆ្នាំ​មុន​ទេ។ មន្ត្រី​រដ្ឋាភិបាល​មាន​គោលបំណង​ចង់​ឱ្យ​ទិសដៅ​ខ្សែ​ទឹក​ហូរ​ទៅ​តាម​លំនាំ​ ដើម​នៃ​ទ្វារ​ទឹក​បុរាណ​នោះ​ឡើង​វិញ​ទៅ​លើ​តំបន់​មួយ​ចំនួន ដែល​គេ​ចង់​បាន​ឱ្យ​ដូច​ពី​សម័យ​អតីតកាល​នោះ​ដែរ»។
ដោយសារ​តែ​ក្រុម​អ្នកបច្ចេកទេស និង​អ្នក​ជំនាញ​ផ្នែក​ធារាសាស្ត្រ​បាន​សិក្សា​ឃើញ​ថា ទ្វារ​ទឹក​បុរាណ​ដែល​គេ​ទើប​តែ​រក​ឃើញ​នោះ វា​មាន​តួនាទី​សំខាន់​យ៉ាង​ខ្លាំង​ក្នុង​ការ​បែង​ចែក​ផ្លូវទឹក និង​ ការពារ​ប្រាសាទ​បុរាណ ព្រម​ទាំង​ទីក្រុង​សៀមរាប នា​ពេល​បច្ចុប្បន្ន​​ពី​គ្រោះ​ទឹកជំនន់​បាន​ផង​នោះ គឺ​រដ្ឋាភិបាល​មាន​ផែនការ​រៀបចំ​គម្រោង​មួយ​ឱ្យ​ធ្វើការ​ជួសជុល​ឡើងវិញ​ឱ្យ​ បាន​ឆាប់​រហ័ស​បំផុត ទៅ​តាម​ដែល​ធ្វើ​ទៅ​បាន។ ក៏ប៉ុន្តែ​ទោះ​យ៉ាងណា ការ​ជួសជុល​សំណង់​បុរាណ​មួយ​នោះ គឺ​ត្រូវ​ប្រើ​បច្ចេកទេស​តាម​បែប​បុរាណវិទ្យា ដោយ​មិន​ឱ្យ​សំណង់​ប្រែប្រួល​ពី​ភាព​បុរាណ​ឡើយ៕
កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ ប៉ុណ្ណោះ។

Read more »

សពបុរាណ ចំនួនប្រាំបីនៅភូមិសុភី ឃុំសុភី ស្រុកអូរជ្រៅ

Friday10-03-2012

ប្រទេសកម្ពុជាយើងមានទីតាំងបុរាណ ជាច្រើនដែលកន្លែងខ្លះបានធ្វើការស្រាវជ្រាវ និង កន្លែងខ្លះមិនទាន់ធ្វើការស្រាវ ជ្រាវ ហើយកន្លែងខ្លះទៀត ត្រូវបាន  ប្រជាជននិងជនឆក់ឱកាសមួយចំនួនជីក  កកាយយ៉ាងអនាធិបតេយ្យ ។ ស្ថានីយបុរាណភូមិសុភី ជាស្ថានីយបុរាណ មួយដែលមានបន្សល់ទុករណ្តៅ សព បុរាណយ៉ាងច្រើនរាប់មិនអស់ ដែលរណ្តៅខ្លះត្រូវបានប្រជាជននៅទីនោះជីក គាស់កកាយយ៉ាងអនាធិបតេយ្យនៅពេលកន្លងមក ។ ប៉ុន្តែពេលនេះ ការជីក គាស់កកាយយ៉ាងអនាធិបតេយ្យនៅទីនេះលែងមានទៀតហើយ ហើយអ្នក បុរាណវិទ្យាក៏បានមកស្រាវជ្រាវជាបន្តបន្ទាប់ដែរ ។       នៅចុងឆ្នាំ ២០១០ នេះ អ្នកស្រាវជ្រាវមួយក្រុមរបស់ អូស្ត្រាលីមានគ្នាបួននាក់ បានមកធ្វើការស្រាវជ្រាវសពបុរាណ ចំនួនប្រាំបីនៅភូមិសុភី ឃុំសុភី ស្រុកអូរជ្រៅ ខេត្តបន្ទាយមានជ័យ បានរុករកឃើញសាកសព បុរាណចំនួនប្រាំបីនាក់ក្នុងរណ្តៅតែមួយដែលមានជម្រៅ ៣០ ម៉ែត្រ និង ៣ ម៉ែត្រ x ៥ ម៉ែត្រ ។       លោក ឌូហ្គល អូរ៉េលលី  អ្នកជំនាញផ្នែកបុរាណវិទូជនជាតិ អូស្ត្រាលីបានប្រាប់ថា ហេតុដែលបណ្តាលឱ្យលោកបានជ្រើសរើសកំណត់ទី តាំងនៅទីនេះមកធ្វើកំណាយនោះ ព្រោះដីនៅចំណុចនេះពុំមាន បងប្អូនធ្លាប់ជីកកកាយឡើយ ។       បើតាមការសន្និដ្ឋាន ទីទួលនេះជាកន្លែងកប់សាកសពរបស់ បុព្វបុរសខ្មែរពីជំនាន់មុន ព្រោះសាកសពសុទ្ធតែត្រូវបានគេកប់ដាក់ ក្បាលទៅទិសខាងលិចទាំងអស់ ។ ពាក់ព័ន្ធសាកសពនៃបុព្វបុរស ខ្មែរនៅក្នុងកំណាយភូមិសុភីនេះ លោក ឌូហ្គល អូរ៉េលលី បាន ពន្យល់ប្រាប់អ្នកយកព័ត៌មានថា ហេតុដែលបណ្តាល ឱ្យអ្នកស្លាប់ត្រូវគេកប់ដាក់ក្បាលទៅទិសខាងលិចនោះ ប្រហែល មនុស្សសម័យនោះយល់ឃើញថា ជីវិតមនុស្សប្រៀបដូចសុរិយា ( ព្រះអាទិត្យ ) ពេលលិចតែងតែត្រាច់ចរទៅទិសខាងលិច ដូច្នេះហើយទើបពេលមនុស្សស្លាប់ ទៅគេធ្វើតាមដំណើរនៃព្រះអាទិត្យ ហើយសូម្បីតែឈ្មោះនៃអធិរាជរបស់ដូនតា ខ្មែរក៏មានឈ្មោះថា សុរិយា ដែរ ព្រោះឈ្មោះថា សុរិយានោះ គេសំដៅទៅលើ ភាពខ្លាំងពូកែ ។ “ទាំងនេះជាការសន្និដ្ឋានរបស់ខ្ញុំតែប៉ុណ្ណោះ” ។ លោក ឌូហ្គេល អូរ៉េលលីបានឱ្យដឹងថា ភាពអស្ចារ្យដែលខុសពីកំណាយកន្លែងនោះ គ្រោងឆ្អឹង នៃសាកសពពុំមានពុកផុយដូចមនុស្សជំនាន់ក្រោយឡើយ គឺមានភាពរឹងដូចឆ្អឹង ខ្មោចដែលទើបនឹងស្លាប់នៅពេលថ្មីៗអ៊ីចឹង ។       អ្នកស្រីបណ្ឌិត លូស៊ី ស៊ីវ៉ាន់  អាយុ ៤៥ ឆ្នាំ ជាបុរាណ វិទូផ្នែកជំនាញឆ្អឹងធ្មេញបានរៀបរាប់ប្រវត្តិនៃការធ្វើវិសោធនកម្មលើគ្រោងឆ្អឹង ធ្មេញបានឱ្យដឹងថា សាកសពបុរាណនេះគឺមានអាយុកាលមុនគ្រិស្តសករាជបីរយ ឆ្នាំ ។ កំណាយនេះក្រុមការងារយើងកាយម្តងបន្តិចៗមិនបង្ខំទេ ហើយការធ្វើ កំណាយខាងលើនេះបានរកឃើញសពបុរាណចំនួនប្រាំបីនាក់ ក្នុងនោះមានសព ក្មេងពីរនាក់ ។ ក្រៅពីសាកសព យើងបានជីកឃើញក្អមដី និង កុលាលភាជន៍ ឆ្នាំងដី និង ឧបករណ៍ប្រើប្រាស់ជាច្រើនទៀត ។ ក្រុមការងារក៏បានឃើញគ្រឿង អលង្ការដែលមនុស្សសម័យមុនប្រើប្រាស់លម្អកាយ មានដូចជា ឡតធ្មេញ អង្កាំ សម្រាប់ពាក់លើ-កមនុស្ស កងដៃមាសនៅលើសពអំបូរខ្មែរសម័យបុរាណ ។ នេះបញ្ជាក់ថា ខ្មែរសម័យដើមគឺជាពូជពង្សអ្នកមានមាសប្រាក់ គ្រឿងអលង្ការ លម្អកាយច្រើន ដូច្នេះទើបពេលមានមនុស្សស្លាប់គេត្រូវយកវត្ថុមានតម្លៃកប់ជាមួយ សព ។ អ្នកស្រីបានបន្តទៀតថា ហេតុដែលបណ្តាលឱ្យឆ្អឹងធ្មេញមនុស្សសម័យមុន មិនពុកផុយនោះ គឺដោយសារពួកគាត់មិនចេះពិសាបារី ម្ហូបអាហារគ្មានជាតិពុល ពោល គឺពួកគាត់បរិភោគតែអាហារធម្មជាតិសុទ្ធសាធមានដូចជា ត្រី សាច់ស្លឹក រុក្ខជាតិដែលគ្មានសារធាតុគីមី ។ កត្តាទាំងនេះវាបានធ្វើឱ្យគ្រោងឆ្អឹងសម្បូរទៅ ដោយសារធាតុដែកជាច្រើនអាចទ្រាំទ្រការពុកផុយហើយ មនុស្សដើមសតវត្សរ៍ ទី ១-៣ ចូលចិត្តរស់នៅតាមតំបន់ភ្នំ ហើយពេលពួកគេបានស្លាប់ទៅក៏យកទៅ កប់នៅទីទួលដែលគ្មានទឹកលិចដល់ ដូច្នេះទើបរក្សាឱ្យឆ្អឹងនៅបានយូរឆ្នាំ”  ។ អ្នកស្រីបន្តទៀតថា “ខ្ញុំនឹងយកគ្រោងឆ្អឹងបុរាណនេះទៅធ្វើពិសោធដើម្បីឱ្យ ដឹងថា អ្នកដែលស្លាប់នោះគេចូលចិត្តទទួលទានអីជាអាហារ” ។       លោក ណម មិត្ត សមាជិកក្រុមប្រឹក្សាឃុំសុភី បានឱ្យដឹងថា “មូលហេតុ ដែលពួកយើងបានដឹងពីកន្លែងសពបុរាណខាងលើ គឺដើមឆ្នាំ ២០០៥ មានអង្គការ មួយបានចុះជួយភូមិសុភី ព្រមទាំងបានឧបត្ថម្ភអណ្តូង ទឹកបង្គន់អនាម័យចំនួន ៨០ ក្នុងឃុំរបស់យើងខ្ញុំ ពេលនោះក្រុមការងារបានជីកដីដើម្បីដាក់លូក៏ប្រទះឃើញ ក្បាលខ្មោច វត្ថុមានតម្លៃផ្សេងៗក៏ផ្អើលនាំគ្នាជីកស្ទើរតែគ្រប់ផ្ទះ រហូតបានធ្វើឱ្យ ល្បីរន្ទឺ ហើយអាជ្ញាធរមានសមត្ថកិច្ចក្នុងមូលដ្ឋានក៏ចុះទៅហាមឃាត់កុំឱ្យបងប្អូន ទៅជីកកកាយតទៅទៀត ។ ជាក់ស្តែង លោកឧត្តមសេនីយ៍ត្រី ហ៊ុន ហ៊ាន ស្នងការ នគរបាលខេត្តបន្ទាយមានជ័យ បានចុះទៅពិនិត្យកន្លែងនោះដើម្បីណែនាំឱ្យបង ប្អូនយកគ្រោងឆ្អឹងមករក្សាទុកដើម្បីធ្វើស្តូបមួយសម្រាប់ឱ្យបងប្អូនយកឆ្អឹងដូនតា មកទុកនៅទីនោះដើម្បីធ្វើទីសក្ការបូជាកុំឱ្យដួងព្រលឹងពួកគាត់ដើររំខានដល់កូន ចៅក្នុងភូមិ” ។       ស្ត្រីម្នាក់ឈ្មោះ អឹម ស្រីចិន អាយុ ២០ ឆ្នាំ បានប្រាប់អ្នកយកព័ត៌មានយើង ឱ្យដឹងថា កាលពីអ្នកភូមិខ្ញុំបានបាក់នាំគ្នាជីកកកាយផ្នូរបុរាណនោះ មានអ្នកខ្លះត្រូវ ខ្មោចបុរាណមកសង្កត់បណ្តាលឱ្យគ្រុនឈឺក៏មានដែរ” ។ នាងបានបន្តថា “ជាក់ ស្តែងខ្ញុំផ្ទាល់បានយកឡតធ្វើជាបណ្តោងខ្សែ-កឱ្យកូនពាក់ តែពេលខ្ញុំយកខ្សែ-ក ដាក់ពាក់លើ-កកូន ស្រាប់តែធ្វើឱ្យកូនខ្ញុំវាស្រែកយំ បើទោះយកអ្វីទៅលួងក៏មិន បាត់ដែរ លុះត្រាតែដោះខ្សែពី-កវាចេញទើបឈប់យំ ។ ក្រោយមក ពេលខ្ញុំ ដេកយល់សប្តិឃើញថាឱ្យខ្ញុំអុជធូបសុំទោសដល់ព្រលឹងដូនតា នៅពេលនោះខ្ញុំ ក៏ធ្វើតាមការយល់សប្តិ លុះធ្វើតាមហើយកូនខ្ញុំក៏ឈប់យំ” ។ នាងបន្តថា “ឥឡូវ នេះគ្មានអ្នកជីកកកាយផ្នូរបុរាណទៀតទេ ព្រោះទុកឱ្យអ្នកទេសចរគេមកទស្សនា តំបន់នេះ ។ ពេលនោះពួកខ្ញុំនឹងរកប្រាក់ចំណូលបានតាមរយៈការលក់ដូរផលិតផល ផ្សេងៗ ។ ខ្ញុំសូមអំពាវនាវដល់បងប្អូនជនរួមជាតិឱ្យបានជ្រាបថា នៅទឹកដីភូមិភាគ ពាយព្យក៏មានតំបន់ទេសចរណ៍ច្រើនដែរ ដូចជា ប្រាសាទបន្ទាយឆ្មារ បន្ទាយទ័ព របើកស្វាយ  ប្រាសាទគុក និង ភូមិសុភី ផ្នូរបុរាណនៃដូនតាយើង” ។       បើតាមប្រសាសន៍លោក ពៅ សំណាង ប្រធានមន្ទីរវប្បធម៌ និង វិចិត្រ សិល្បៈខេត្តបន្ទាយមានជ័យ បានប្រាប់អ្នកយកព័ត៌មានយើងឱ្យដឹងថា ការធ្វើកំ-ណាយនេះដើម្បីឱ្យដឹងពីអាយុកាលនៃមនុស្សសម័យបុរេប្រវត្តិមានអាយុកាល ប៉ុន្មានឆ្នាំ និង ដើម្បីឱ្យដឹងថា អំបូរខ្មែរមានអ្វីប្រើប្រាស់ កាលពីសម័យមុន ជាពិ-សេសទៅទៀតនោះ គឺចង់ ដឹងពីវប្បធម៌ដ៏យូរលង់របស់ ខ្មែរបុរាណ ៕

Read more »

សារមន្ទីរឯកជនមួយ នៅខេត្តកំពង់ស្ពឺ

Wednesday,10.03.2012

មានមនុស្សនៅខេត្តកំពង់ស្ពឺមិនច្រើន ប៉ុន្មានបានស្គាល់ និង បានដឹងថា នៅខេត្ត របស់គេមានសារមន្ទីរឯកជនមួយ ចុះទម្រាំតែប្រជាជននៅក្រុងភ្នំពេញ និង បណ្តាខេត្តផ្សេងៗទៀតនោះរឹតតែមិន ស្គាល់ទីនេះទៅទៀត ពោលគឺ​គេភាគច្រើនតែងទៅហួសមកហួស ។ ប៉ុន្តែបើគេបានទៅទស្សនាទីនោះហើយ គេនឹងមានការភ្ញាក់ផ្អើលយ៉ាង ខ្លាំងនូវការរៀបចំដាក់តាំងរូបចម្លាក់ និង វត្ថុយ៉ាងច្រើនប្រភេទគួរឱ្យ ចាប់អារម្មណ៍ក្រៃលែង ។ បើគេធ្វើដំណើរតាមដងផ្លូវជាតិលេខ ៤ ចេញពីភ្នំពេញ មុននឹងដល់ទី ប្រជុំជនខេត្តកំពង់ស្ពឺ ត្រង់ចំណុចភូមិចំបក់ ឃុំវល្លិស ស្រុកសំរោងទង ខេត្តកំពង់ស្ពឺ គេនឹងឃើញមានភូមិគ្រឹះមួយដ៏ធំនៅខាងឆ្វេងដៃក្បែរដងផ្លូវនោះ និង មានបដា មួយចងនៅលើខ្លោងទ្វារចូលដោយសរសេរអក្សរថា “សារមន្ទីរនរៈបុរី” ។ ប្រសិនបើយើងបានឃើញតែទិដ្ឋភាពខាងក្រៅពីដំបូងនោះ យើងហាក់បី ដូចជាមិនសូវចាប់អារម្មណ៍ប៉ុន្មានឡើយ ប៉ុន្តែគ្រាន់តែយើងបានឈានជើងចូល ផុតរបងខាងក្រៅនោះ យើងនឹងបានឃើញនូវទិដ្ឋភាពគួរចាប់អារម្មណ៍​ ក្រៃលែងផុតពីខ្លោងទ្វារចូលបន្តិចនោះមានតោថ្ម និង វត្ថុសិល្បៈជាច្រើនដែលសង់តាម រចនាបទខ្មែរពិតៗ រង់ចាំស្វាគមន៍ភ្ញៀវទេសចរ។ ផុតពីនេះបន្តិច មានសាងសង់រូបព្រះបាទ ជយវរ្ម័នទី ៧ ដែលសាងសង់ដោយមាន អាសនៈយ៉ាងត្រឹមត្រូវនៅចំកណ្តាលផ្លូវដែលធ្វើឱ្យអ្នកទស្សនាទាំង ឡាយនឹកទៅដល់ភាពថ្កុំថ្កើងរុងរឿងក្នុងរជ្ជកាល ព្រះអង្គគ្រប់គ្រង ។ នៅលើផ្ទៃដីបួនហិកតារមានសំណង់យ៉ាងច្រើនបានសង់យ៉ាងមាន របៀបរៀបរយ ដែលសំណង់នីមួយៗត្រូវបានចម្លងចេញពីប្រាសាទ បុរាណនានារបស់ខ្មែរ ពិសេសប្រាសាទនៅសៀមរាបអង្គរ ។ ឯទិដ្ឋភាពខាងក្នុងវិញ មានការទាក់ទាញយ៉ាងខ្លាំងមិនចាញ់សារមន្ទីរ ជាតិឡើយ ។ សារមន្ទីរនេះត្រូវបានសាងសង់ឡើងក្នុងបំណងទុកជាសម្បត្តិ ផ្ទាល់ខ្លួនរបស់គេផង ហើយនិងជាការចូលរួមចំណែករក្សាទុកនូវ បេតិកភណ្ឌសម្បត្តិវប្បធម៌ជាតិឱ្យគង់វង្សផងដែរ ។ នៅក្នុងសារមន្ទីរនេះគេបានដាក់តាំងនូវវត្ថុជាច្រើនប្រភេទធ្វើ អំពីថ្មភក់ ថ្មភ្នំ ពីឈើ ដូចជា ព្រះពុទ្ធប្បដិមា រូបចម្លាក់ព្រះបាទ ជយវរ្ម័នទី ៧ រូបឆ្មាំប្រាសាទ រូបនាងចេកនាងចម ៘ ហើយនិង វត្ថុប្រើប្រាស់ពីជំនាន់បុរាណរួមមានឆ្នាំងស្ពាន់ កុលាលភាជន៍ ឬ ចាន ឆ្នាំងធ្វើពីដីឥដ្ឋ ក្រឡ ពួច ជាដើម ។ ក្រៅពីនេះទៀតមានក្បាច់ ចម្លាក់តុ ទូ កៅអី ដែលធ្វើពីឈើពីគល់ឈើធំៗមានអាយុកាល ជាច្រើនឆ្នាំ ធ្វើអំពីថ្ម និង អំពីសំបកខ្យង ឬ លៀសសមុទ្រ ជាដើម ។ វត្ថុទាំងអស់នេះត្រូវបានគេតម្កល់ទុកដាក់ដោយ ឡែកពីគ្នា និង ដាក់នៅតាមថែវនីមួយៗនៃសារមន្ទីរនោះ ។ វត្ថុទាំងប៉ុន្មាននេះ មុននឹងបានយកមកដាក់តាំងនៅក្នុងសារ មន្ទីរនេះ ត្រូវបានម្ចាស់ប្រមែប្រមូលទិញពីអ្នកស្រុកនៅតាម ខេត្តផ្សេងៗតាំងពីក្រោយប្រទេសជាតិបានរំដោះពីរបបខ្មែរ ក្រហមឆ្នាំ ១៩៧៩ មកម៉្លេះ ។ សារមន្ទីរនេះជាកម្មសិទ្ធិរបស់ឯកឧត្តម នរៈ រតនៈវឌ្ឍនោ ដែលសព្វថ្ងៃជារដ្ឋលេខាធិការក្រសួងធម្មការ និង សាសនា ហើយត្រូវបានបើកសម្ពោធជាផ្លូវការកាលពីថ្ងៃទី ៧ ខែកក្កដា ឆ្នាំ ២០០៨ ដោយមានច្បាប់អនុញ្ញាតពីក្រសួងវប្បធម៌ និង វិចិត្រសិល្បៈ ។ ការដាក់តាំងវត្ថុបុរាណចម្រុះ និង ជាលក្ខណៈ សារមន្ទីរឯកជននៅក្នុងខេត្តកំពង់ស្ពឺនេះ គេឃើញមានការចាប់ អារម្មណ៍ច្រើនដែរពីសំណាក់ប្រជាពលរដ្ឋ សិស្សានុសិស្ស លោកគ្រូអ្នកគ្រូ នៅក្នុងតំបន់ មន្ត្រីធំតូច  និង ព្រះសង្ឃផងដែរ ដោយពួកគាត់នាំគ្នាចូលទៅទស្សនានៅពេលណាដែលទំនេរ ពីការងារ ។ ការដែលនាំឱ្យចាប់អារម្មណ៍នេះ ពីព្រោះថា អ្នកខ្លះពុំ ដែលបានឃើញនូវវត្ថុបុរាណ និង របៀបរបបដាក់តាំងបង្ហាញ យ៉ាងល្អ ហើយខ្លះទៀតថា ដោយសារសារមន្ទីរនេះនៅជិត ងាយស្រួលក្នុងការធ្វើដំណើរមកទស្សនា ហើយខ្លះទៀតថា មានសារសំខាន់សម្រាប់ឱ្យគេមានកន្លែងសិក្សាស្រាវជ្រាវអំពី វប្បធម៌ខ្មែរ ។ ព្រះភិក្ខុ សោម ស៊ីម ដែលជាព្រះសង្ឃមួយអង្គមានភាពល្បីល្បាញនៅ វត្តប្រាសាទកំពុងទស្សនានៅសារមន្ទីរ នេះមានថេរដីកាថាព្រះអង្គមានការភ្ញាក់ ផ្អើលខ្លាំងណាស់ កាលបើភ្ញៀវបានឃើញនូវសារមន្ទីរដ៏ធំមួយនេះមានវត្ថុបុរាណ និងវត្ថុសិល្បៈរាប់ពាន់ ត្រូវបានដាក់តាំងឱ្យភ្ញៀវទស្សនា ។ ព្រះអង្គគិតថា នេះ ជាការចូលរួមចំណែកយ៉ាងធំក្នុងការ​ថែរក្សាវប្បធម៌របស់ខ្មែរឱ្យនៅគង់វង្ស ។ សារមន្ទីរនេះត្រូវបានគេលក់សំបុត្រឱ្យចូល ទស្សនាតម្លៃ ២.០០០ រៀលក្នុងមនុស្សម្នាក់ចំពោះ ប្រជាជនខ្មែរ និង ២ ដុល្លារសម្រាប់ជនបរទេស ។ ចាប់តាំងពីបើកមកមានមនុស្សប្រមាណ ២០.០០០ នាក់ចូលទៅទស្សនា ។ នៅប្រទេសកម្ពុជាយើងមានសារមន្ទីរឯកជនចំនួនពីរ ទីមួយ សារមន្ទីររបស់ អ្នកបុរាណវិទ្យា មីសែល ត្រាណេ នៅក្នុងទីក្រុង ភ្នំពេញ និង មួយទៀតគឺសារមន្ទីរនៅកំពង់ស្ពឺនេះ ៕

Read more »

ប្រាសាទគោករមៀត

10.032012

ប្រាសាទបុរាណមួយត្រូវបានប្រជាជន ប្រទះឃើញនៅ ក្នុងព្រៃឫស្សីនាប៉ុន្មានឆ្នាំ​ មុននេះក្រោយពេលធ្វើសមាហរណកម្ម រវាងទ័ពខ្មែរក្រហម និង រដ្ឋាភិបាលភ្នំពេញ ។ ប្រាសាទនេះមាន ហ៊ុមព័ទ្ធទៅដោយ​ ព្រៃស្រោង នៅចម្ងាយពីព្រំប្រទល់​ ប្រទេសសៀមប្រមាណជា ១០ គីឡូម៉ែត្រ ។ អ្វីដែលគួរឱ្យចាប់អារម្មណ៍នោះ ប្រាសាទនេះហាក់បីដូចជានៅ ឯកោខ្វះការថែទាំដោយមានព្រៃឫស្សីរុំទ័ឰជុំវិញសឹង មើលមិនយល់តួប្រាសាទ ។ ប្រាសាទបុរាណនេះសព្វថ្ងៃស្ថិតនៅក្នុងភូមិសាស្ត្ររបស់ ស្រុកថ្មពួក ខេត្តបន្ទាយមានជ័យ ។ ប្រជាពលរដ្ឋដែលរស់នៅក្នុងភូមិ គោករមៀត ឃុំគោករមៀត បានហៅប្រាសាទបុរាណនេះថា ប្រាសាទគោករមៀត តៗគ្នារហូតដល់សព្វថ្ងៃនេះ ។ លោកតា សំ សាមឿន ព្រឹទ្ធាចារ្យនៅ ក្នុងភូមិគោករមៀតបាននិយាយប្រាប់អ្នកយក ព័ត៌មានយើងឱ្យដឹងថា ប្រាសាទបុរាណនេះកសាងឡើងដោយឥដ្ឋ ខ្លោង ទ្វារ និង ចម្លាក់នានាធ្វើអំពីថ្មភក់ ។ រូបចម្លាក់ និង ដំបូលប្រាសាទ ត្រូវបាក់បែកខ្ទេចខ្ទាំស្ទើរ គ្មានសល់ ពិសេសប្រាសាទគោករមៀតនេះ ហាក់បីដូចជាត្រូវគេបំភ្លេចចោលទៅហើយ ។ នៅបរិវេណប្រាសាទមានគ្រាប់មីនយ៉ាងច្រើន ដែលមិនទាន់មានការដោះចេញពីប្រាសាទនោះនៅឡើយ ។ លោកតា សំ សាមឿន បានឱ្យដឹង ទៀតថា មូលហេតុដែលនាំឱ្យប្រាសាទបុរាណ មួយនេះរងការបាក់បែក និង ខូចខាតស្ទើរ គ្មានសល់នោះ ព្រោះក្រុមជនខិលខូច និង ពួក ទមិឡមួយចំនួនបានគាស់កកាយប្រាង្គប្រាសាទបុរាណរុករកវត្ថុមានតម្លៃ ដែលបុព្វដូនតាយើងកប់ទុកក្រោមបាតនៃតួ ប្រាសាទ ។ លោក សោម សារួន អនុប្រធានមន្ទីរវប្បធម៌ និង វិចិត្រសិល្បៈខេត្ត បន្ទាយមានជ័យបានប្រាប់អ្នកយកព័ត៌មាន ឱ្យដឹងថាប្រាសាទគោករមៀតនេះគឺបុព្វដូនតាខ្មែរយើងបានកសាងតាំងពីឆ្នាំ ៧០០ មកម៉្លេះ រាល់ស្ថាបត្យកម្ម សម័យនោះច្រើនកសាងអំពីឥដ្ឋនោះ វាមានអាយុកាល ច្រើនជាងប្រាសាទដែលកសាងពីថ្ម ព្រោះថាអ្នកប្រាជ្ញ សម័យមុននៅពុំទាន់បានរកឃើញរូបមន្តធ្វើពីថ្មនៅឡើយ ។ ប្រភេទប្រាសាទដែលធ្វើពីឥដ្ឋពុំសូវ មានធំទេ ភាគច្រើនជាប្រាសាទមានរាងតូចដូចជាចេតិយ ដើម្បីតម្កល់សព មេទ័ព ក៏ដូចជាសែរាជវង្សដែលបានសុគតក្នុងសមរភូមិ ។ ប្រាសាទគោក រមៀតនេះមានខ្នាតទំហំ ២ ម៉ែត្រ x ២ ម៉ែត្រ គឺយើងរាប់ពីតួប៉មប្រាសាទ។ ភាពដែលចម្លែក ជាងគេនោះប្រាសាទគោករមៀតនេះពុំមានកសិណ ឬ ក៏ស្រះនៅពីមុខដូចប្រាសាទដទៃឡើយ ។ បច្ចុប្បន្ន ប្រាសាទគោករមៀតនេះនៅពុំទាន់មានគម្រោងធ្វើការថែទាំឱ្យបានត្រឹមត្រូវដូចប្រាសាទនានាដែល នៅក្នុងទីប្រជុំជននោះទេព្រោះស្ថានភាពដីនៅទីនោះនៅពុំទាន់បានដោះ មីននៅឡើយ ។ លោក សោម សារួន បាននិយាយឱ្យដឹងបន្ថែមទៀតថា ប្រាសាទគោករមៀតក្រៅពីមានព្រៃឫស្សីដ៏ក្រាស់នោះក៏មានគ្រាប់មីនរាប់ ញន់គ្រាប់នៅព័ទ្ធជុំវិញដីបរិវេណប្រាសាទ ហើយរាជរដ្ឋាភិបាលកម្ពុជា កំពុងរកវិធានការដើម្បីដោះមីនឱ្យអស់ នៅបរិវេណប្រាសាទនេះ ។ ប្រាសាទ ជាច្រើននៅក្នុងទឹកដីខេត្តបន្ទាយមានជ័យភាគច្រើនពុំទាន់បានធ្វើការ ស្រាវជ្រាវឱ្យបានអស់នៅឡើយ ព្រោះប្រាសាទខ្លះស្ថិតនៅក្នុងព្រៃជ្រៅ ដែលយើងពិបាកនឹងរុករុលទៅដល់ ម៉្យាងវិញទៀតប្រាសាទភាគច្រើនបានលាក់ខ្លួនពួនកប់នៅតំបន់សង្គ្រាម រវាងរដ្ឋាភិបាល និង ពួកទ័ពព្រៃខ្មែរក្រហម ។ ជាក់ស្តែងប្រាសាទគោករមៀតខាងលើស្រាប់ គឺសព្វថ្ងៃស្ថិតនៅក្នុង ទឹកដីស្រុកថ្មពួក ភូមិគោករមៀត ឃុំគោករមៀត នៅ ដាច់ស្រយាលពីមនុស្សផងទាំងពួង ញេលគឺពុំសូវមានអ្នក ណាហ៊ានទៅដល់ទីនោះឡើយ ព្រោះខ្លាចគ្រាប់មីនដែល កប់នៅក្នុងដីរាប់ពាន់គ្រាប់ ។ ក្នុងនាមលោកជាអនុ ប្រធានមន្ទីរវប្បធម៌ និង វិចិត្រសិល្បៈខេត្តបន្ទាយមាន ជ័យ សូមធ្វើការអំពាវនាវដល់ប្រជាពលរដ្ឋគ្រប់រូបត្រូវ ចេះស្រឡាញ់ប្រាង្គប្រាសាទ ឬ វត្ថុបុរាណដែលបុព្វដូនតាខ្មែរ បានបន្សល់ទុកឱ្យកូនចៅជំនាន់ក្រោយបានធ្វើការគោរព បូជា ដូច្នេះសូមរាល់ពលរដ្ឋខ្មែរគ្រប់រូបត្រូវចេះរក្សា និង អភិរក្សប្រាសាទបុរាណឱ្យបានល្អដើម្បីជាគុណប្រយោជន៍ សម្រាប់ខ្មែរជំនាន់ក្រោយអូសទាញយកផលប្រយោជន៍ពី ប្រាសាទដូចជាបម្រើឱ្យដល់វិស័យទេសចរណ៍ក្នុងស្រុក និង ក្រៅស្រុកបានយ៉ាងប្រសើរទៀតផង ៕

Read more »

ភ្នំរូង រមណីយដ្ឋានថ្មីក្នុងទឹកដី ខេត្តកោះកុង

Friday,10.03.2012

នៅក្នុងទឹកដីនៃខេត្តកោះកុងមានតំបន់ ទេសចរណ៍គួរឱ្យចាប់អារម្មណ៍ជាច្រើន ដូចជា ទឹកធ្លាក់តាតៃ ព្រៃកោងកាង រមណីយដ្ឋានត្រពាំងរូងជាដើម ។ នៅ ពេលនេះយើង សូមលើកយករមណីយដ្ឋានថ្មីដែលប្រជាពលរដ្ឋខ្មែរយើងមិន សូវបានស្គាល់ក្នុងតំបន់ថ្មីនេះ ប៉ុន្តែជាចំណុចគួរឱ្យចាប់អារម្មណ៍របស់ភ្ញៀវទេសចរបរទេសដែលចូលចិត្តជិះកង់ ឬ ដើរឡើងភ្នំដើម្បីកម្សាន្តជាមួយសម្រស់ធម្មជាតិពិតៗរបស់ ភ្នំរូង ។ ការធ្វើបែបនេះដើម្បីឱ្យភ្ញៀវទេសចរកាន់តែមានភាពស្និទ្ធស្នាលនឹងធម្មជាតិក៏ដូចជា ការធ្វើលំហាត់ប្រាណមួយបែបដែរ ។ រមណីយដ្ឋានថ្មីនេះឈ្មោះថា ភ្នំរូង មានកម្ពស់ ៣៥ ម៉ែត្រ មានទីតាំងស្ថិតនៅក្នុងឃុំត្រពាំងរូង ស្រុកកោះកុង ខេត្តកោះកុង ។       ភ្នំរូងក៏មានប្រវត្តិគួរឱ្យចាប់អារម្មណ៍តាមរយៈតំណាលរឿងនិទានបែបប្រជាប្រិយពីមាត់មួយទៅមាត់មួយនៅក្នុងភូមិ តាមទីតាំងជាក់ស្តែងនៃភ្នំដែលមានរូងភ្នំ មួយដ៏អាថ៌កំបាំង ។ នេះបើតាមចាស់ៗបានតំណាលថា ភ្នំមួយនៅកប់ក្នុងព្រៃស្ងាត់ ជ្រងំ ដែលពីមុនមានសុទ្ធតែសត្វខ្លាតូចធំ ខ្លាឃ្មុំ ពស់ និង សត្វព្រៃសាហាវ ជាដើម ។ គឺជាកន្លែងដែលព្រានព្រៃបរបាញ់សត្វដំរី និង អ្នកកាប់វល្លិរមៀតវង្វេងផ្លូវមិនអាច មករកភូមិវិញបានទេ ។ រីឯអ្នកភូមិត្រញំងរូងធ្លាប់បានឮសំឡេងភ្លេងពិណញទ្យ ល្វើយៗពីម្តុំភ្នំនេះរៀងរាល់ថ្ងៃសីលគួរឱ្យព្រឺក្បាល ។ គេបាននិយាយទៀតថា ភ្នំ នេះមានអ្នកសច្ចំគង់នៅ និង មានរូងជ្រៅងងឹតស្លុង ។ វាធ្លាប់ជាកន្លែងដ៏ស័ក្តិសិទ្ធិ ដែលអ្នកភូមិក្បែរនេះតែងមករកខ្ចីចានឆ្នាំងទៅធ្វើបុណ្យក្នុងភូមិម្តងៗ ។ ភ្នំនេះ បច្ចុប្បន្នក្លាយជាកន្លែងទាក់ទាញបំផុតសម្រាប់ភ្ញៀវទេសចរមកកម្សាន្ត និង ចង់ដឹង អំពីអាថ៌កំបាំងទាំងអស់នោះ ។ វាត្រូវបានកំណត់ដោយអ្នកភូមិហៅថាភ្នំរូង ។ ភ្នំរូងបានក្លាយជារមណីយដ្ឋានកម្សាន្តដ៏អាថ៌កំបាំងមួយ និង ចូលចិត្ត បំផុតពីភ្ញៀវ ទេសចរបរទេស ។ ភ្នំរូងត្រូវបានកែលម្អផ្លូវព្រៃសម្រាប់ទេសចរដើរកម្សាន្ត និង អាចជិះកង់ប្រភេទឡើងភ្នំដោយ សហគមន៍អេកូទេសចរណ៍ត្រពាំងរូង ។       រមណីយដ្ឋាននេះ ក្រៅពីបរទេស ក៏មានអ្នកទេសចរក្នុងស្រុកចាប់អារម្មណ៍ ផងដែរ ។ វាមិនគ្រាន់តែជាកន្លែងដែល អ្នកទេសចរអាចវិភាគស្វែងយល់ពីអាថ៌កំបាំងទាំងឡាយដែលអ្នកស្រុកធ្លាប់និយាយប្រាប់ប៉ុណ្ណោះទេ តែវាជាឋាននភាល័យ ដ៏ត្រជាក់សម្រាប់ស្រងស្រូបយកខ្យល់អាកាសបរិសុទ្ធដែលហាក់បីដូចជា ខ្លួនបានមកដល់ឋានសួគ៌ាល័យ តែតាម ពិតអារម្មណ៍អ្នកកំពុងស្រមៃថាបានគយគន់ ពិភពដែនព្រៃបៃតងពីលើកំពូលភ្នំរូងនៃជួរភ្នំក្រវាញនេះឯង ។ រមណីយដ្ឋាន កម្សាន្តភ្នំរូងគឺមានចម្ងាយតែ ១០ គីឡូម៉ែត្រប៉ុណ្ណោះ ពីទីប្រជុំជនភូមិត្រញំងរូង ស្រុកកោះកុង ខេត្តកោះកុង ។ ការដើរព្រៃ ឬ ជិះកម្សាន្តទៅកាន់រមណីយដ្ឋានភ្នំរូង គឺជាការរួមចំណែកមួយក្នុងការអភិរក្ស និង លើកតម្លៃវប្បធម៌ខ្មែរនៅតំបន់ព្រៃជួរភ្នំ ក្រវាញនៃប្រទេសកម្ពុជា ។ ដំណើរកម្សាន្តក៏ក្លាយជាការហាត់ប្រាណដ៏ពេញ និយមមួយប្រភេទរបស់ភ្ញៀវទេសចរដែរ ។       បើតាមប្រសាសន៍របស់លោក ទី ធាវី មន្ត្រីអភិវឌ្ឍជំនួយសហគមន៍អេកូទេសចរណ៍បានឱ្យដឹងថា សម្រាប់ ភ្ញៀវទេសចរបរទេសចាប់អារម្មណ៍យ៉ាងខ្លាំង លើភ្នំរូង ព្រោះវាជាតំបន់អេកូទេសចរណ៍ធម្មជាតិ ហើយភ្ញៀវបរទេស និយម ចូលចិត្តដើរ ឬ ជិះកង់ក្នុងព្រៃ ។ ចំណែកភ្ញៀវខ្មែរក៏មានខ្លះដែរ គឺមកតាមរយៈ ការបោះជំរំ ការចុះកម្មសិក្សារបស់អង្គការ ឬក៏អ្នកដែលមកសិក្សាលើសកម្មភាព ទេសចរណ៍នៅក្នុងតំបន់នេះ ។ លោកបានបន្តថា អ្វីដែលជាទីចាប់អារម្មណ៍នៅ ទីនោះ គឺទីមួយ ពេលទៅដល់ភ្នំ គាត់អាចមើលឃើញទេសភាពផ្ទៃព្រៃ ដែលគេកំពុងការពារប្រៀបបាននឹងសមុទ្រឈើនៃខេត្តមណ្ឌលគិរីមានពណ៌ បៃតងស្រស់ លាតសន្ធឹងដាច់កន្ទុយភ្នែក ហើយអ្នកទេសចរអាចជិះកង់ ឬ ដើរឡើងទៅសម្រាកកម្សាន្តលើកំពូលភ្នំជាមួយធាតុអាកាសតំបន់ភ្នំដ៏ ត្រជាក់ត្រឈឹងត្រឈៃនៃម្លប់ដើមឈើធំៗ ។ ម៉្យាងទៀតភ្ញៀវទេសចរនឹងបាន ស្តាប់រឿងរ៉ាវផ្សេងៗទាក់ទងនឹងរឿងអប្បិយជំនឿរបស់អ្នកស្រុកតំណាល ប្រាប់ ។       ទាក់ទងនឹងដំណើរភ្ញៀវទេសចរនៅភ្នំរូង លោក គុណ សាវុធ ប្រធានសហគមន៍អេកូទេសចរណ៍ត្រពាំងរូងបាន ឱ្យដឹងថានៅពេលភ្ញៀវបរទេស ទៅទស្សនាទីនោះម្តងៗ សហគមន៍មិនលក់ជាសំបុត្រដូចរមណីយដ្ឋានផ្សេងៗទេ តែនៅទីនេះមានលក់ជាកញ្ចប់ដែលមានបម្រើជាសេវាជាច្រើន ដូចជា អ្នកនាំផ្លូវ ការហូបចុក ការជួលកង់ ការបោះជំរំ និង ជួលសម្ភារៈមានអង្រឹង ជាដើម ។ លោកបានបន្តថា បើនិយាយពីថ្លៃហូបចុកក្នុងមួយពេលបីដុល្លារ ថ្លៃជួលកង់ដប់ ដុល្លារ អង្រឹងពីរដុល្លារ ចំណែកអ្នកនាំភ្ញៀវចំនួនប្រាំបួនដុល្លារកន្លះ ។ ចំណែក មគ្គុទ្ទេសក៍នាំភ្ញៀវជាប្រជាពលរដ្ឋក្នុងភូមិដែលបណ្តុះបណ្តាលដោយសហគមន៍ ។ លោកបានបន្ថែមទៀតថា មុនមានសហគមន៍ ប្រជាពលរដ្ឋរស់នៅអាស្រ័យដោយ អនុផលព្រៃឈើ ដូចជា បរបាញ់ និង នេសាទ មិនសូវរីកចម្រើនដូចសព្វថ្ងៃនេះ ទេ ។ បច្ចុប្បន្នអ្នកភូមិមានជីវភាពធូរធារដោយសារការអភិវឌ្ឍលើវិស័យទេស-ចរណ៍ ដោយសហគមន៍អេកូទេសចរណ៍ដែលប្រជាពលរដ្ឋអាចបង្កើនប្រាក់កម្រៃ ពីសេវាកម្មផ្ទះសំណាក់ អាហារដ្ឋាន ម៉ូតូ និង សហគមន៍កំពុងបង្កើនការងារដល់ ប្រជាពលរដ្ឋផងដែរ ។       រមណីយដ្ឋានភ្នំរូងនេះត្រូវបានបង្កើតឡើងនៅក្នុងឆ្នាំ ២០១១ មានកម្ពស់ ៣៥ ម៉ែត្រ និង ចម្ងាយ ១០ គីឡូម៉ែត្រពីត្រញំងរូង ។ រមណីយដ្ឋានមួយនេះក៏កំពុង ទទួលបានការពេញនិយមយ៉ាងខ្លាំងពីភ្ញៀវបរទេស ហើយតាមរយៈវិស័យ ទេសចរណ៍នេះដែរ ក៏កំពុងកែប្រែមុខមាត់ថ្មីរបស់ប្រជាពលរដ្ឋក្នុងតំបន់ឱ្យមាន ជីវភាពធូរធារពីមួយថ្ងៃទៅមួយថ្ងៃតាមរយៈការបង្កើតជាសេវាកម្មផ្សេងៗ និង ការងារដល់ប្រជាពលរដ្ឋដើម្បីបម្រើឱ្យភ្ញៀវទេសចរក៏អាចបង្កើនចំណូលជូនពួក គាត់ផងដែរ ៕

Read more »

នាវា​ទេស​ចរ​ណ៍ខ្នា​តធំ​២គ្រឿ​ងទៀ​ត ​នាំភ្ញៀ​វរា​ប់ពាន់​នាក់ចូ​លកំព​ង់សោ​ម​

ថ្ងៃទី​ 31 ខែមករា ឆ្នាំ2012, ម៉ោង 03:07 PM សមុទ្រខៀវ

ខេ​ត្ត​ព្រះ​សី​ហនុៈ​ ​ភ្ញៀ​វ​ទេស​ច​រ​អន្ត​រ​ជាតិ​ប្រ​មា​ណជា​ង​ពីរ​ពា​ន់​នាក់​បា​ន​ បា​ន​ដើរ​ក​ម្សា​ន្តក្នុ​ង​ក្រុ​ងព្រះ​សី​ហ​នុប​ន្ទា​ប់​នា​វា​ទេស​ច​ណ៍​ ខ្នាត​យ​ក្ស​ចំ​នួន​២​គ្រឿ​ង​បា​ន​ចូ​ល​ដ​ល់​ សុំ​ច​ត​នៅ​ក្រុ​ង​ព្រះ​សី​ហ​នុ ​កា​ល​ពីព្រឹ​ក​ព្រ​លឹ​ម​ថ្ងៃទី​៣​១​ ខែ​ម​ក​រា ​ឆ្នាំ​២០​១​២ ​នៅ​ចំណ​ត​ពី​ផ្សេង​​​គ្នា​​នៃ​កំព​ង់​ផែរ​ស្វ​យ័ត្ន​ក្រុ​ងព្រះ​សី​ហនុ​ហើ​ យនឹ​ង​ក្រោង​ចា​កចេ​ញ​ទៅវិ​ញ​នៅយ​ប់​ថ្ងៃដ​ដែ​លនេះ​ ​។
លោ​ក​ ម៉ៃ​ ​ម៉ារិ​ទ្ឋ ​នា​យក​នា​វា​ចរ​ណ៍​និងគណ្ឌធានៃកំពង់ផែស្វយ័ត្នក្រុងព្រះសីហនុ បា​នឲ្យ​ដឹ​ង​ថានា​វា​ទេស​ច​រទាំ​ង​២​គ្រឿង​មាន​ឈ្មោះ​ទី១ ឈ្មោះ SAANDAM ជាកម្មសិទ្ឋរបស់ប្រទេសហូឡង់មានបណ្តោយ២៣៨ម៉ែត្រ ​ផ្ទុ​ក​ភ្ញៀវ​ទេ​សច​រ​ណ៏​ចំនួន១៣៦៣នាក់ នាវឹកចំនួន៦២៦នាក់ នាវានេះធ្វើដំណើមកពីប្រទេសវៀតណាម ​និ​ងចា​ក​ចេញ​ទៅ​ប្រទេ​ស​ថៃ​នាវេលាម៉ោង១៦ល្ងាចថ្ងៃដដែល។ នាវាទី២ឈ្មោះ  NAUTICA ជាកម្មសិទ្ឋរបស់ប្រទេស M​A​RS​X​AL  ISLAND មានបណ្តោយ១៨០ម៉ែត្រផ្ទុកភ្ញៀវចំនួន605នាក់ និងនាវឹកចំនួន 401នាក់ ។ នាវា​នេះ​ធ្វើ​ដំណើ​រ​ម​កពី​ប្រ​ ទេសថៃនិងចាកចេញទៅប្រទេសវៀតណាមនាវេលាម៉ោង២១យប់ថ្ងៃដ៏ដែល។​
​​គួ​រ​​ប​ ញ្ជាក់​ ផងដែរថានៅក្នុងខែមករាឆ្នាំ២០១២នេះមាននាវាទេសចរណ៏ខ្នាតអន្តរជាតិចំនួន៥​គ្រឿ​ ងហើ​យ​ដែ​​ល​បា​​ន​​​ចូ​​លចតនៅកំពង់ផែអន្តរជាតិស្វយ័តក្រុងព្រះសីហនុ ​នៃ​ព្រះរា​ជា​ណាច​ក្រ​កម្ពុ​ជា​ក្នុ​ងនោះ​មា​ន​ភ្ញៀវ​ទេ​ស​ច​រណ៏​ជា​ង​៣​ ០ជាតិសាសន៏ផ្សេងគ្នាដែលបានចូលមកទស្សនា នៅក្នុងក្រុងកំពង់សោ​ម​ ​ហើយ​ក៏​មា​ន​មួយ​ចំ​នួ​នប​ន្ត​ទៅ​ភ្នំ​ពេញ​ និងសៀមរាបទៀតផង ៕

Read more »

នាវា​ទេស​ចរណ៍អន្ត​រជាតិ​ចំនួន​២​គ្រឿង​ ចូល​ចត​ក្នុង​ពេល​តែ​មួយ​នៅ​កំពង់​ផែ​អន្តរ​ជាតិ​ក្រុង​ព្រះ​សីហនុ​​

ថ្ងៃទី​ 13 ខែមករា ឆ្នាំ2012, ម៉ោង 02:39 PM សមុទ្រខៀវ

1

ខេ​ត្ត​ព្រះសី​ហ​នុ​ ​:​ ប្រ​​ទេ​ស​​​កម្ពុជា​ដែ​ល​ជា​ព្រះរា​ជា​ណា​​ចក្រ​អ​ច្ឆរិ​យៈ​មួ​យ​ក្នុ​ង​ចំ ​ណ​ម​ ​ដែ​ល​កំ​ពុ​ងត្រូ​វ​បា​ន​ ​ពិ​ភ​ពលោ​ក​​ស្គាល់​យ៉ា​ងច្បា​ស់​ ​​និ​ង​មា​ន​កា​រ​ចា​ប់​អា​រ​ម្ម​ណ៍​កា​ន់​តែ​ខ្លាំ​ង ​ឡើ​ង​នោះ​នៅ​ដំ​ណា​ច់​ឆ្នាំ​២០​១​១​ ​​ចំ​នួន​ភ្ញៀ​វ​ទេ​ស​ច​រ​ប​រ​ទេស​មា​ន​កា​រ​​កើន​ឡើ​ង​ជា​លំ​ដា​ប់​គួ​រ​ ឲ្យក​ត់​ស​ម្គាល់​ ​ជា​​ក់​ស្តែង​កា​​ល​ពីព្រឹ​ក​ថ្ងៃ​ទី​១​៣ ខែ​ម​​​ក​រា​ ឆ្នាំ​២​០​១​២នេះ​ ​​នា​កំព​ង់​ផែ​អន្ត​រ​ជា​តិ​ ក្រុ​ងព្រះ​សី​ហ​នុ​មា​ននា​វា​ទេ​ស​ច​រ​ណ៏​ចំ​នួ​ន​ពី​រ​គ្រឿង​​​បា​ន​​ចូ​ល ​ម​ក​ដ​ល់​ក្រុ​ងព្រះ​សីហ​នុ​ក្នុ​ង​ពេ​ល​​តែ​មួ​​​យ​​​ ​ដោ​យ​នាំ​ម​ក​នូវ​ភ្ញៀ​វ​ចំ​នួ​ន​រាប់​​ពាន់​នា​ក់​។
តា​មលោ​ក​​ ​ម៉ៃ​ ​ម៉ារិទ្ឋ​ ​នា​យ​កនា​វា​ច​រ​ណ៏​និ​ង​ ​គ​ណ្ឌ​ធា ​​នៃ​កំ​ព​ង់​ផែ​ ស្វ​យ័​ត្ន​ក្រុង​ព្រះសី​ហ​នុ​​បា​នឲ្យ​ដឹ​ងថា​ ​​​​នា​វា​ទេ​ស​ច​រ​ណ៏​ដែ​ល​ចូ​ល​ម​ក​ទ​ស្ស​នា​ក្រុ​ង​ព្រះ​សី​ហ​នុ​រ​យៈ​ពេ ​ល​១ ​ថ្ងៃនេះ​មា​ន​ចំ​នួ​ន​២​​គ្រឿង​ ​ ​ដែ​ល​១គ្រឿង​មា​ន​ ​ឈ្មោះS​E​A​B​O​UR​N​ ​T​R​I​D​E​ ​ជា​ក​ម្មសិ​ទ្ឋរ​ប​ស់ប្រ​ទេ​ស​ប៉ា​ហា​ម៉ា ​ ​មា​ន​ប​ណ្តោយ​១​​​៣​​​៨​​​ម៉ែត្រ​ ​មា​ន​ភ្ញៀវ​ទេ​ស​​ច​រ​ណ៏​ ​​ចំ​នួ​ន​​១​៥​​០​​នា​ក់​ ​នា​វឹ​ក​ ​១៧​១​នា​ក់​ ​​ចេញ​ម​ក​​ពីប្រ​ទេ​ស​វៀត​ណាម​ ​និ​​ង​បន្តចា​ក​ចេញ​ទៅ​ប្រ​ទេស​ថៃ​ ​នា​វេ​លា​យ​ប់​ថ្ងៃដដែ​​ល​​​​ ​​​និ​ងនា​វា​១​គ្រឿង​ទៀ​ត​មាន​ឈ្មោះ ​Z​Z​A​ND​A​M​ ​​​ជា​ក​ម្មសិ​ទ្ឋរ​ប​ស់​ប្រ​ទេ​ស​ហូ​ឡង់​ ​មា​ន​ប​ណ្តោយ​ប្រវែ​ង​២៣​៨​​ម៉ែ​ត្រ​ ​មា​ន​ភ្ញៀវ​ទេ​ស​ច​រ​ណ៏​ចំ​នួ​ន​១​៤​៦​០​នា​ក់​ ​មា​ន​នា​វឹ​ក​ចំ​នួ​ន​៦​២​៥​នា​ក់​ ​ ធ្វើដំ​ណើ​រ​ម​ក​ពី​ប្រ​ទេ​សថៃ​ ​ ​​និង​ចេ​ញ​ដំណើ​រ​ឆ្ពោះទៅ​ប្រ​ទេ​ស​វៀ​ត​ណា​ម ​នៅ​ថ្ងៃ​ដ៏ដែ​​ល​ ​ ។​
សូ​ម​បញ្ជា​ក់​ផង​ដែ​រ​​ថា​ ​ក្នុង​ចំ​ណោ​ម​ភ្ញៀវ​តា​ម​នា​វា​ទេ​ស​ច​រ​ណ៏​នេះ​ ​មា​នភ្ញៀ​វមួ​យ​ចំ​នួ​ន​បា​ន​ប​ន្តដំ​ណើ​រ​ទៅ​កា​ន់​ក្រុ​ង​​សៀម​ម​រា​ប​ អង្គ​រនៃក​ម្ពុជា​រួ​ច​ហើ​យ​ ​​ទើ​ប​វិ​ល​ត្រ​ឡ​ប់​ទៅ​ស្រុក​កំ​ណើ​ត​រ​ប​ស់​ពួ​ក​គេ​វិ​ញ​តា​ម​ជើ​ង​យ​ ន្ត​ហោះ​៕ ​

Read more »

ភ្ញៀវ​ទេស​ចរជា​តិនិង​អន្តរ​ជាតិចូ​លទស្ស​នាខេត្ត​ក្រចេះកើ​នឡើ​ងជិ​ត​២០​% បើ​ធៀបនឹ​ងឆ្នាំមុ​ន​​

ថ្ងៃទី​ 05 ខែមករា ឆ្នាំ2012,

ខេ​ត្ត​ក្រចេះ​៖​ ទោះ​បី​ជា​វិប​ត្តិ​សេ​ដ្ឋកិ​ច្ច​សា​កល​ ​និ​ងគ្រោះ​ធ​ម្មជា​តិ​ ​បា​នជះ​ឥ​ទ្ឋិ​ពល​យ៉ា​ងណា​ ​ក៍ដោ​យ​ ​ក៏កំ​ណើ​ន​ភ្ញៀវ​ទេ​ស​ចរ​ជា​តិ​និង​អ​ន្ត​រជា​តិ​ដែ​ល​បាន​ម​ក​ទស្ស​នា​នៅ​ ខេត្ត​ក្រ​ចេះ​  ​នៅ​តែមា​ន​អ​ត្រាកើ​ន​ឡើ​ងជា​លំ​ដា​ប់ដែ​រ​ ​។ ​នេះ​បើតា​ម​កា​រ​អះ​អា​ង​រប​ស់​ប្រ​ធាន​ម​ន្ទី​ទេ​សច​រ​ណ៍​ខេត្ត​។
តាមរបាយការណ៍របស់មន្ទីទេសចរណ៌ខេត្តបានបង្ហាញថា ក្នុងឆ្នាំ២០១១ក​ន្ល​ង​ទៅនេះ​អ​ត្រា​ភ្ញៀវ​ទេ​ស​ចរ​អ​ន្ត​រជា​តិ​ ​ដែលបានមកលេង និងទស្សនាតាមបណ្តារមណីយដ្ឋាននានា នៅក្នុងខេត្តក្រចេះមានចំនួនជាង១០​ក​ន្លែង​ ​រាប់ទាំងរមណីយដ្ឋានទេសចរណ៌ប្រវត្តិសាស្រ្ត និងរមណីយដ្ឋានទេសចរណ៌ ធម្មជាតិ គឺមានចំនួន​១​៧៥​៩​៦​នាក់ បើប្រៀបធៀបទៅនឹងឆ្នាំ២០១០ មានការកើនឡើងចំនួន ៣៨៦៣នាក់ ស្មើនឹងជិត៣០%។ ​ភ្ញៀ​វទេ​ស​ច​រអ​ន្ត​រជាតិទាំងនេះមកពីតំបន់អ៊ឺរ៉ុប មកពីតំបន់អាស៊ីប៉ាស៊ីហ្វិក តំបន់អាមេរិក និងទ្វីបដ៌ទៃទៀត ក្នុងនោះ ​ភា​គ​ច្រើន​មា​នជនជាតិបារាំង ចិន អង់គ្លេស វៀតណាម អ៊ីតាលី និងស្វីស ព្រមទាំងជាតិសាសន៌ដ៌ទៃទៀត។​
​យោង​តា​ម​របាយការណ៏ដដែលបានឲ្យដឹងថា ដោយឡែកភ្ញៀវទេសចរជាតិក្នុងឆ្នាំ ២០១១ ​កន្ល​ង​ទៅ​នេះគឺ​មា​នចំ​នួ​ន១​៤៥០៥៤នាក់ បើប្រៀបធៀបទៅនិងឆ្នាំ២០១០ មានអត្រាកើនឡើងចំនួន១៧៧១៧នាក់ ស្មើនឹងជាង​១​៣%​។​
​ប្រធា​ នមន្ទីរទេសចរណ៏ខេត្ត លោក រុន ភារ៉ា បានឲ្យដឹងស្របគ្នាកាលពីថ្ងៃទី៤ មករា ថា ​ដោ​យសា​រ​តែ​ខេត្ត​ក្រ​ចេះជា​ខេ​ត្ត​មួយដែលស្ថិតក្នុងប្រទេសកម្ពុជា ជាប់នឹងដង ទន្លេមេគង្គ ​និ​ងមា​ន​ស​ក្កាដា​នុ​ព​ល​ទេស​ច​រ​ណ៏​ទូលំ​ទូ​លា​យមិ​ន​ចាញ់ខេត្តដ៏ទៃនោះទេ ជាមួយគ្នានេះដែរនៅទូទាំងខេត្តក្រចេះ មានតំបន់ទេសចរណ៏ចំនួន១៦​ក​ន្លែ​ងក្នុ​ង​នោះ​មានតំបន់ទេសចរណ៏ វប្បធម៌ប្រវត្តសាស្រ្តចំនួន៦កន្លែង និងតំបន់ទេសចរណ៏ធម្មជាតិ​(​អេ​កូទេ​ស​ច​រណ៌​)​មា​ន ​១០កន្លែង។​
ក្នុ​ង​ កា​រ​ធ្វើដំ​ណើរមកទស្សនារបស់ភ្ញៀវទេសចរអន្តរជាតិ ភាគច្រើនពួកគេមក ​ទ​ស្សនា​ស​ត្វ​ផ្សោ​តនៅ​អ​ន្ល​ង់ផ្សោ​ត​ទន្លេ​មេ​គង្គកាំពី ព្រះវិហាវត្តសសរ១០០ ​និ​ងប​ណ្តា​កោះ​មួយ​ចំ​នួ​នទៀ​ត​ដែ​លនៅ​តា​មជួ​រ​ដង​ទ​ន្លេ​មេគ​ង្គ​។ចំ​នែ ​កភ្ញៀ​វ​ទេស​ចរជាតិភាគច្រើនពួកគាត់បាន មកលេងនៅ រមណីយដ្ឋានកាំពីនិងបន្តទៅទស្សនាព្រះវិហារសសរ​១​០០​នៅ​ស្រុកសំបូរដែលស្ថិត នៅលើផ្លូវក្រាលស៊ូតែមួយ និងតំបន់ទេសចរណ៌ប្រវត្តិសាស្រ្តដ៌ទៃទៀត។​
​លោក​ ប្រ​ធាន​មន្ទីបានលើកឡើងថា ក្រោមការជួយគាំទ្រពីគំរោងផ្លូវទស្សនាមេគង្គរបស់ក្រសួងទេសចរណ៏ ​ស​ហ​ការ​ជា​មួយអង្គការទេសចរណ៏ពិភពលោក ​គំរោ​ង​មួ​យនេះ​បា​ន​ជួយ​លើ​ក​ស្ទួយ​វិ​ស័យ​ទេ​ស​ចរ​ណ៏​ក្នុង​ខេ្ត​ក្រចេះ​ ​បាន​ច្រើ​ន​ជាបន្តបន្ទាប់ដូចជា កសាងសមត្ថភាព ហេដ្ឋា ​រ​ច​នាស​ម្ព​ន័​ទេស​ចរ​ណ៏​ខ្នា​តតូ​ច​និ​ង​វគ្គ​ជំ​នា​ញ​ផ្សេង​ៗ​មួ​យ​ ចំនួនទៀត។ជាមួយគ្នានេះគំរោងនេះ បានបង្កើតការរៀបចំផ្លូវទស្សនាមេគង្គ ​ដែ​ល​តភ្ជា​ប់​តា​ម​ដង​ទ​ន្លេ​មេគ​ង្គ​ពីខេត្តក្រចេះទៅខេត្តស្ទឹង ត្រែង។​
​ ជា​មួយ​នឹ​ងផែនការអភិវឌ្ឍន៍បន្តទៅលើវិស័យទេសចរណ៏ក្នុងខេត្ត លោកប្រធានមន្ទីបានបញ្ជាក់ថា ​ក្រោ​ម​ការ​ណែ​នាំ​រប​ស់ក្រសួងទេសចរណ៍ និងគណៈអភិបាលខេត្ត បានជំរុញឲ្យ មានចលនាប្រឡងប្រណាំងលើ ​រ​ម​ណីយ​ដ្ឋា​ន​ស្អាត ទីក្រុងស្អាត ហើយខេត្តបានបង្កើតមជ្ឈមណ្ឌលមួយនៅម៉ាត់ទន្លេមុខទីប្រជុំជនខេត្ត ​សម្រា​ប់​ផ្ត​ល់សេ​វា​ពត៌​មានទេសចរណ៏ ដោយបង្កើតឲ្យមានសមាគមន៌ដឹកជញ្ជូនភ្ញៀវផងដែរ។​
​លោ​កវ​រ​សេនីយ៍ទោ គុណ សុភ័ណ្ឌ នាយការិយាល័យទេសចរណ៍នៃស្នងការរដ្ឋានគរបាល ខេត្ត ​បាន​ឲ្យ​ដឹ​ងដែ​រ​ថា ​ក្នុងឆ្នាំ២០១១នេះ ភ្ញៀវទេសចរបានជួបឧប្បត្តិហេតុចំនួន៣លើក ដោយរងគ្រោះជ្រុះបាត់សម្ភារ ​រី​ឯ​ការ​ប​ង្ក​បទ​ល្មើសពីសំណាក់ជនបរទេសនិងភ្ញៀវទេសចរក៏ដូចជា ហេតុការណ៏ឧប្បត្តិហេតុផ្សេងៗមកលើភ្ញៀវ ​គឺ​ពុំមា​ន​អ្វី​កើត​ឡើ​ងគួរឲ្យកត់សម្គាល់នោះទេ ៕

Read more »

ភ្ញៀវទេសចរក្នុងស្រុកងាកមកទស្សនាផ្សោត នៅខុំព្រះរំកិលកាន់តែច្រើន

Saturday, 25 February 2012 02:18

ជាងមួយឆ្នាំចុងក្រោយនេះ ភ្ញៀវទេសចរ ក្នុងស្រុកជាច្រើនបានងាកមកចាប់ អារម្មណ៍ទស្សនាត្រីផ្សោតទន្លេមេគង្គ ពិសេសគេបាននាំគ្នាទៅទស្សនា ត្រីផ្សោតនៅភូមិអន្លង់ស្វាយ ឃុំព្រះរំកិល ស្រុកថាឡាបរិវ៉ាត់ ខេត្តស្ទឹងត្រែង ដែលកាល ពីមុនអ្នកទស្សនាត្រីផ្សោតនៅទីនោះភាគច្រើនគឺជាភ្ញៀវទេសចរបរទេសដែលឆ្លងមកពីប្រទេសលាវ ។ ការទៅទស្សនា នៅទីនោះគេនឹងបានឃើញទេសភាពធម្មជាតិតាមដងទន្លេមេគង្គផង និង អាចទស្សនាតំបន់ព្រំដែនកម្ពុជា-លាវផង ។       កន្លែងមើលផ្សោត ភូមិអន្លង់ស្វាយមានចម្ងាយប្រមាណជាង ៦០ គីឡូម៉ែត្រ ពីទីរួមខេត្តស្ទឹងត្រែង គេអាចធ្វើដំណើរ ដោយជិះរថយន្តកាត់ស្ពានទន្លេសេកុងតាមផ្លូវជាតិលេខ ៧ នឹងទៅដល់ព្រំដែនកម្ពុជា-លាវ កាត់តាមច្រកទ្វារអន្តរជាតិ ត្រពាំងក្រៀល យើងបត់ឆ្វេងតាមផ្លូវលំ រួចទៅដល់ចំណុចវ៉ឺនខាវ ព្រោះផ្លូវទៅកាន់ទីនោះត្រូវបានសាលាខេត្តកសាង កាលពីឆ្នាំទៅមិញ ប៉ុន្តែឥឡូវផ្លូវនោះខូចខាតខ្លះៗដោយសារទឹកជំនន់នាឆ្នាំកន្លងទៅ ឬ មួយអ្នកទស្សនាអាចទៅទីនោះ តាមផ្លូវទឹកដោយចេញពីទីរួមខេត្តទៅភូមិអន្លង់ស្វាយតែម្តង ។       អន្លង់ផ្សោត ភូមិអន្លង់ស្វាយផ្នែកខាងលើទន្លេ មេគង្គជិតព្រំដែនកម្ពុជា-លាវ បានរៀបចំជាសហគមន៍ ទេសចរណ៍ គួរឱ្យទាក់ទាញអារម្មណ៍ពីធម្មជាតិពិតៗនៅ ភាគឦសានប្រទេសកម្ពុជា ។ នៅពេលយើងទៅដល់ ចំណុចវ៉ឺនខាវ យើងជិះទូកសហគមន៍តាមដងទន្លេ មេគង្គមើលទេសភាពធម្មជាតិនៅទីនោះដូចជា អន្លង់ សត្វផ្សោត ព្រៃលិចទឹកកោះថ្ម ទស្សនាផ្ទះសហគមន៍ និង មើលទឹករលកបោកបក់នឹងច្រាំង មើលទេសភាព តាមដងទន្លេ និង គយគន់ត្រីផ្សោតដែលវាបង្ហាញខ្លួន បង្អួតភ្ញៀវទេសចរ ។       ការជិះទូកសហគមន៍មួយគ្រឿង មានថ្លៃឈ្នួល ជិះទូកទៅមក ៥ ម៉ឺនរៀល អាចជិះកម្សាន្តតាមចិត្ត ដែលយើងចង់ ទៅណាក៏បានដែរនៅតំបន់នោះ ។ ទូក សហគមន៍ទាំងអស់មាន ១១ គ្រឿង សម្រាប់ឱ្យភ្ញៀវ ទេសចរជួលជិះដើរលេង ។ យើងអាចស្នាក់នៅផ្ទះ សហគមន៍ជាច្រើនយប់ក៏បានដែរ តាមចិត្តដែលគេចង់ ស្នាក់នៅ ។ រីឯតម្លៃក្នុងមួយយប់គិតថ្លៃ ៣ ដុល្លារ ។ លើសពីនេះទៅទៀតយើងអាចបរិភោគម្ហូបខ្មែរទៀត ផង ។ ក្រៅពីនោះក៏មានសម្តែងរាំរបាំជូនអ្នកទេសចរ មើលតាមចិត្តគេចង់ទស្សនា ។       តាមការឱ្យដឹងរបស់អ្នកមើលការខុសត្រូវនៅទី នោះថា ជាងមួយឆ្នាំនេះមានភ្ញៀវទេសចរច្រើនជាង មុន ពិសេស គឺភ្ញៀវទេសចរខ្មែរមានការកើនឡើងច្រើនជាងឆ្នាំមុនៗ ហើយភ្ញៀវ ទេសចរបរទេសភាគច្រើនគឺចូលមកពីប្រទេសលាវ ។ គេបង្កើតសហគមន៍ ទេសចរណ៍នេះឡើង ដើម្បីចង់ឱ្យមានភ្ញៀវទៅទស្សនាតំបន់ធម្មជាតិកាន់តែមាន ការកើនឡើងពីមួយថ្ងៃទៅមួយថ្ងៃ ។ ដើម្បីទាក់ទាញភ្ញៀវមកពីតំបន់ឆ្ងាយៗដែល ចង់ឃើញខេត្តស្ទឹងត្រែងតែងចង់បន្តទៅទស្សនានៅប្រទេសលាវ ។ ម៉្យាងទៀត ជីវភាពប្រជាពលរដ្ឋនៅទីនោះក៏ដូចជាអ្នកស្ទឹងត្រែងកាន់តែប្រសើរឡើង ។       លោក ហាក់ វ៉ាន់ថៃ ជាភ្ញៀវទេសចរខ្មែរម្នាក់កំពុងជិះទូកសហគមន៍ទស្សនា ត្រីផ្សោតបានឱ្យដឹងថា ពីមុនលោកធ្លាប់តែទៅទស្សនាប្រាសាទបុរាណ នានានៅខេត្តសៀមរាប ដល់ពេលមកទស្សនាត្រីផ្សោតនៅទីនេះ វាហាក់ ដូចជាមានអារម្មណ៍ប្លែក ព្រោះទីនេះមានខ្យល់អាកាសទន្លេដ៏បរិសុទ្ធ និង មានទេសភាពគួរឱ្យចង់គយគន់ក្រៃលែង ។ ពីមុនលោកពុំដែលបានឃើញ ផ្សោតនោះទេ គឺឃើញតែតាមរយៈទូរទស្សន៍ដល់ឥឡូវបានឃើញផ្ទាល់ នឹងភ្នែក ពិតជាគួរឱ្យជក់ចិត្តក្រៃលែង ។       បើតាមការតំណាលតៗគ្នាពីប្រវត្តិឃុំព្រះរំកិលថា កាលពីសម័យ ប្រទេសយើងមានសង្គ្រាមជាមួយនឹងប្រទេសសៀម គឺមានវត្តមួយនៅ ក្នុងឃុំព្រះរំកិលនេះ ហើយនៅក្នុងវត្តមានព្រះពុទ្ធបដិមាមួយអង្គមានបុណ្យ បារមីណាស់ ពេលពួកទ័ពសៀមចូលមកវាយយកទីនេះតែងតែទទួល បរាជ័យរហូត ក៏ព្រោះមានបារមីព្រះអង្គជួយកាន់ខ្នងរងមុខ ។ ក្រោយៗ មកទៀត ពួកសៀមឈ្លានពានល្បីថា មានពុទ្ធប្បដិមាពូកែស័ក្តិសិទ្ធិក៏នាំ គ្នាមកលួចព្រះបដិមានោះ ប៉ុន្តែដោយប្រជាជនដឹង ពីបំណងនោះមុនក៏នាំគ្នារំកិលព្រះបដិមានោះនៅ ដាក់ក្នុងទន្លេតែម្តង ។ រហូតមកដល់សព្វថ្ងៃនេះក៏ នៅមានអ្នកនេសាទបានជួបប្រទះបដិមានោះនៅ កណ្តាលទន្លេ ហើយក៏នាំគ្នាទៅស្រង់ឡើង តែពេល ទៅពួកគេបែរជារកមិនឃើញទៅវិញ ។ ការឃើញ ព្រះបដិមានៅក្នុងទន្លេនេះមិនមែនឃើញតែពេល នេះឡើយ គឺគេឃើញតាំងពីសម័យមុនមកម៉្លេះទើប គេនាំគ្នា ហៅតំបន់កន្លែងព្រះរំកិលក្រោយមកក៏មាន ឈ្មោះឃុំព្រះរំកិលរហូតដល់សព្វថ្ងៃនេះ ៕ Comments ()

 

បង្កើតសង្វៀនល្បុក្កតោ ដើម្បីទាក់ទាញភ្ញៀវទេសចរ

Saturday, 18 February 2012 01:24

ជាយូរមកហើយភ្ញៀវទេសចរមិនថា ភ្ញៀវទេសចរជាតិ ឬ ភ្ញៀវទេសចរ បរទេសឡើយ កាលណាពួកគេធ្វើដំណើរ កម្សាន្ត តាមដងផ្លូវជាតិលេខ ៥ ច្រើនតែធ្វើដំណើររំលងបណ្តាខេត្ត មួយចំនួននៅតាមដងផ្លូវជាតិលេខ ៥ នេះ ពិសេសគឺខេត្ត កំពង់ឆ្នាំង និង ខេត្តពោធិ៍សាត់ ។ តាមពិតខេត្តទាំងនេះក៏ មានសក្តានុពលទេសចរណ៍យ៉ាងច្រើនមិនចាញ់ខេត្តផ្សេងៗ ឡើយ ពោលគឺបើភ្ញៀវទេសចរស្នាក់នៅទីនោះមួយថ្ងៃ នោះ ភ្ញៀវទេសចរនឹងបានគយគន់ និង ទស្សនានូវទេសភាពធម្មជាតិ ដ៏ល្អស្អាត រមណីយដ្ឋានធម្មជាតិ និង រមណីយដ្ឋានវប្បធម៌ បែបប្រវត្តិសាស្ត្រដ៏ល្បីល្បាញជាច្រើន ដែលគួរឱ្យជក់ចិត្តចាប់ អារម្មណ៍មិនខាន ។       ដើម្បីប្តូរទម្លាប់ភ្ញៀវទេសចរដែលតែងតែទៅហួសមកហួសនាបណ្តាខេត្តតាមដងផ្លូវជាតិលេខ ៥ នេះ ទើបសហព័ន្ធល្បុក្កតោ និង ក្រុមហ៊ុនទេសចរណ៍ មហាអង្គរទេសចរណ៍បានរួមគ្នាបង្កើតសង្វៀនល្បុក្កតោនេះឡើង ដើម្បីឱ្យភ្ញៀវ ទេសចរបានឈប់សម្រាកទស្សនាផង និង ឱ្យភ្ញៀវទេសចរបានទស្សនាស្វែងយល់ ពីវប្បធម៌ និង ផ្ទាំងទស្សនីយភាពនៃខេត្តតាមដងផ្លូវជាតិលេខ ៥ នេះផង ។       ការសម្តែងក្បាច់ចំបាប់បុរាណខ្មែរ និង ក្បាច់គុនល្បុក្កតោខ្មែរនេះ ទទួល បានការពេញចិត្ត និង ចាប់អារម្មណ៍ ខ្លាំងពីសំណាក់ភ្ញៀវទេសចរអន្តរជាតិ ជា ពិសេសក្រុមជនជាតិអាមេរិកាំងមួយក្រុមដែលមកទស្សនាកម្ពុជា ក្រោមដំណើរ បេសកកម្មមួយមានឈ្មោះថា មូលនិធិជនបទកម្ពុជា ចាប់ផ្តើមកាលពីថ្ងៃទី ១១ ដល់ ២១ ខែមករា ឆ្នាំ ២០១២ ។  ពួកគេមាន ការជក់ចិត្តចាប់អារម្មណ៍យ៉ាងខ្លាំងនូវក្បាច់គុនល្បុក្កតោខ្មែរ ។       ក្រុមនេះមានចំនួនសរុប ២៧ នាក់ រួមដោយកុមារីអាយុ ១០ ឆ្នាំម្នាក់ផងដែលទទួល និង រៀបចំដំណើរទស្សនកិច្ច នេះដោយក្រុមហ៊ុនមហាអង្គរទេស-ចរណ៍ កាលពីថ្ងៃទី ១៨ ខែមករា ឆ្នាំ ២០១២ ។ នេះ គឺជាលើកទីពីរហើយដែលក្រុមហ៊ុនមហាអង្គរទេសចរណ៍បានរៀបចំការសម្តែង ចំបាប់ខ្មែរបុរាណ និង ល្បុក្កតោ ជូនភ្ញៀវទេសចរអន្តរជាតិទស្សនាស្វែងយល់ ពីវប្បធម៌ដ៏ចំណាស់ និង ល្អផូរផង់ ដែលជាផ្លែផ្កានៃអារ្យធម៌អង្គរដ៏រុងរឿងរបស់ ជាតិខ្មែរ ។ កាលនៅលើកលើកទីមួយសម្តែងជូនជនជាតិចម្រុះជាតិសាសន៍ រួម ទាំងអាណិកជនខ្មែរនៅអាមេរិកកាលពីថ្ងៃទី ១៤ ខែវិច្ឆិកា ឆ្នាំ ២០១១ ។       លោក អាង គឹមអៀង  ប្រធានសហគមន៍ទេសចរណ៍កម្ពុជា និង ជានាយក ក្រុមហ៊ុនទេសចរណ៍មហាអង្គរ ទេសចរណ៍បានឱ្យដឹងថា នេះជាទស្សនីយភាព លើកដំបូងបង្អស់ក្នុងការភ្ជាប់វិស័យទេសចរណ៍ជាមួយទំនៀមទម្លាប់វប្បធម៌ខ្មែរ ក្នុងគោលបំណងបង្កើតផលិតផលទេសចរណ៍ថ្មីមួយ ដើម្បីទាក់ទាញទេសចរឱ្យ បន្តស្នាក់នៅបានយូរនៅក្នុងប្រទេសកម្ពុជា ប្តូរនិន្នាការធ្វើដំណើរតាមផ្លូវជាតិលេខ ៥ ទាក់ទាញឱ្យមានការស្នាក់នៅពាក់កណ្តាលផ្លូវ រួមមានខេត្ត កំពង់ឆ្នាំង និង ពោធិ៍សាត់ ជាដើម ចូលរួមដុសរំលេចវប្បធម៌ដ៏បវររុងរឿងរបស់ខ្មែរឱ្យមាន សកម្មភាពរស់រវើកផុសផុល និង គង់វង្សយូរអង្វែងទៅតាមរយៈចំណូលពី ទេសចរណ៍ផ្សារភ្ជាប់វិស័យកីឡា វប្បធម៌ ជាមួយវិស័យបញ្ជាក់ថា បានទស្សនាការសម្តែងនេះសបញ្ជាក់ថា កម្ពុជាបានឆ្លងផុតឆ្ងាយពី សង្គ្រាម និង ភាពអវិជ្ជមានផ្សេងៗ ហើយកំពុងតែវិវឌ្ឍទៅរកវឌ្ឍនភាពដ៏សុខ ដុមរមនា ។       លោក វិល្លៀម អ្នកដឹកនាំក្រុមមានប្រសាសន៍ថា គាត់មក ទស្សនាកម្ពុជាជាលើកទីបីហើយ តែមិនធ្លាប់ បានឈប់ និង ទស្សនាចំបាប់បុរាណ ខ្មែរ និង ល្បុក្កតោនេះទេ ។ គាត់បន្ថែមថា “ខ្ញុំរីករាយខ្លាំងណាស់ ព្រោះមិនធ្លាប់ បានឃើញដូច្នេះទេ ។ ខ្ញុំយល់ថា ការសម្តែងនេះជាការទាក់ទាញទេសចរដ៏សំខាន់ មួយ” ។ លោកស្រី បុណ្យនារី ជាអាណិកជនខ្មែរនៅសហរដ្ឋអាមេរិកសម្តែង នូវការរំភើបនៅពេលបានទស្សនាទស្សនីយភាពនេះកាលពីលើកទីមួយនាថ្ងៃទី ១៥ ខែវិច្ឆិកា ឆ្នាំ ២០១១ ថា គាត់សប្បាយរីករាយ និង រំភើបខ្លាំងណាស់ ព្រោះ មិនធ្លាប់បានឃើញទេក្នុងជីវិតរបស់គាត់ ។ គាត់នឹងមកទស្សនាការសម្តែងនេះ ទៀតពេលមកលេងស្រុកនៅលើកក្រោយ ។       ការប្រកួតជាលក្ខណៈសមយុទ្ធជូនភ្ញៀវទេសចរនេះសម្តែងដោយសមាគម កីឡាល្បុក្កតោ កុមារទេពមានឫទ្ធិសែនជ័យ និង សមាគមចំបាប់បុរាណខ្មែរឫទ្ធិសែន ។       ក្រុមទេសចរទាំងនេះក៏បានជួយសាងសង់សាលាបឋមសិក្សាមួយខ្នងមាន ប្រាំបន្ទប់ នៅភូមិកូនខ្លុង ឃុំព្រៃតូច ស្រុកមោងឫស្សី ខេត្តបាត់ដំបង អស់ទឹក ប្រាក់ជាងបួនម៉ឺនដុល្លារ ។       លោក អាង គឹមអៀង បានឱ្យដឹងទៀតថា ការរៀបចំឱ្យមានសង្វៀន ល្បុក្កតោនឹងមានលើកក្រោយទៀត ដើម្បីឱ្យ ភ្ញៀវទេសចរស្វែងយល់ និង ទស្សនា ឱ្យបានច្រើនតាមដងផ្លូវជាតិលេខ ៥ នេះ ព្រោះបណ្តាខេត្តតាមដងផ្លូវជាតិលេខ ៥ នេះ សម្បូរទៅដោយទស្សនីយភាព វប្បធម៌ ប្រពៃណី និង រមណីយដ្ឋាន ទេសចរណ៍យ៉ាងច្រើនរង់ចាំស្វាគមន៍ភ្ញៀវទេសចរ ៕

Read more »

ខេត្តសៀមរាប ទាក់ទាញ​ភ្ញៀវ​ទេសចរ​គ្រប់​ជាតិ​សាសន៍

​ មា​នច​ម្ងាយ​ប្រ​មា​ណ​៣​១​៤​គី​ឡូ​ម៉ែ​ត្រ​ ​ពីរា​ជ​ធា​នី​ភ្នំ​ពេ​ញ​ ​​ខេ​ត្ត​សៀ​ម​រា​ប​ ​ជា​ខេ​ត្ត​មួ​យ​ដែ​ល​បា​នទា​ក់​ទា​ញ​ទេ​ស​ច​រ​គ្រ​ប់​ជា​តិ​សា​ស​ន៍​ជា​ ច្រើ​ន​ម​ក​ទ​ស្ស​នា​ ​ក្នុ​ង​ឱ​កា​ស​បុ​ណ្យ​ចូ​ល​ឆ្នាំ​ខ្មែរ​ ​​២០​១​១​នេះ​។​
​ជា​មួយ​គ្នា​​នេះ​ផ​ង​ដែ​រ​ ​ទាំ​​​ង​​​ទេ​​​​ស​ច​រ​ជាតិ​​ និ​ង​អ​ន្ត​រ​​ជា​តិ​ ​មា​នកា​រ​​កោត​​សរ​សើ​រ​ជា​ខ្លាំ​ង​ចំពោះ​ស​ន្តិ​សុ​ខនិ​ង​កា​រ​រៀប​ចំ​ ក្រុ​ង​រ​ប​ស់ខេ​ត្ត​ទេ​ស​ចរ​ណ៍​មួយនេះ...។
គ្រាន់តែប៉ុន្មានថ្ងៃ នារដូវកាលវិស្សមកាល របស់បងប្អូនប្រជាជនខ្មែរ នៅទូទាំងប្រទេស មានភ្ញៀវ- ទេសចរជាតិ និងអន្តរជាតិ រាប់ពាន់នាក់ បានទៅទស្ស- នាខេត្តសៀមរាប យ៉ាងច្រើនសន្ធឹកសន្ធាប់។ ភ្ញៀវ- អន្តរជាតិគ្រប់ជាតិសាសន៍ មកពីស្ទើរតែគ្រប់ទ្វីប ក្នុង ពិភពលោក មានភាពសាទរក្នុងការចូលរួមកម្សាន្ត លំហែកាយ និងស្វែងយល់ពីប្រវត្តិសាស្ត្រក្នុងតំបន់- ទេសចរណ៍ប្រវត្តិសាស្ត្រ ដែលពោរពេញទៅដោយ ប្រាង្គប្រាសាទបុរាណនេះ។
ទន្ទឹមនឹងសក្តានុពលនៃការរីកចម្រើន និងការ ប្រឹងប្រែងបន្តលើការអភិវឌ្ឍន៍ ក្នុងរដូវចូលឆ្នាំ នា ឆ្នាំនេះ ខេត្តសៀមរាប មានភាពល្អប្រសើរជាងខេត្តដទៃ ទៀត ទាំងសន្តិសុខ សណ្តាប់ធ្នាប់ ការរៀបចំក្រុង និង ការថែរក្សាបរិស្ថាន។
លោក ទេព ប៊ុនឆាយ អភិបាលរងក្រុងសៀមរាប បានមានប្រសាសន៍ថា ក្នុងឆ្នាំនេះ ខេត្តសៀមរាប ទទួល បានកំណើនភ្ញៀវទេសចរច្រើនជាងឆ្នាំមុន។ លោក បានប្រាប់អ្នកយកព័ត៌មាន “អង្គរធំ” ថា នេះដោយ- សារតែខេត្ត មានការអភិវឌ្ឍន៍លើហេដ្ឋារចនាសម្ព័ន និងការថែរក្សារមណីយដ្ឋានក្នុងតំបន់ ឱ្យមានភាព- កាន់តែល្អប្រសើរ ដើម្បីទាក់ទាញភ្ញៀវទេសចរ។ ដូច្នេះ ទើបទាំងភ្ញៀវជាតិ និងអន្តរជាតិ សម្រេចចិត្តជ្រើសរើសយកតំបន់រមណីយដ្ឋានដ៏ស្រស់ផូរផង់នេះ ជា កន្លែងលំហែអារម្មណ៍ នាពេលឈប់សម្រាក។
លោកទេព ប៊ុនឆាយ បានឱ្យដឹងថា ក្នុងអំឡុង ពេលបុណ្យចូលឆ្នាំនេះ មានភ្ញៀវជាតិមកពីគ្រប់ខេត្ត-ក្រុង ចូលមកទស្សនាកម្សាន្តក្នុងខេត្តសៀមរាប ដែល ក្នុងនោះ ភាគច្រើនមកពីរាជធានីភ្នំពេញ ខេត្តកំពង់ធំ និងខេត្តបន្ទាយមានជ័យ។ ចំណែកភ្ញៀវបរទេស ភាគច្រើនមកពីតំបន់អាស៊ី។ លោកអភិបាលរងក្រុង ក៏បាន បញ្ជាក់ថា ក្នុងឆ្នាំនេះ ខេត្តសៀមរាប ស្ទើរតែក្លាយជា ខេត្តមួយ ដែលមានការរៀបចំសណ្តាប់ធ្នាប់បាន ប្រសើរជាងខេត្តដទៃ ព្រោះការលេងល្បែងគប់ទឹក ប៉ាតម្សៅ គឺត្រូវបានហាមឃាត់ ហើយជាលទ្ធផល គឺខេត្តទទួលបានសុវត្ថិភាពយ៉ាងល្អ ក្នុងអំឡុងបុណ្យ ចូលឆ្នាំថ្មីនេះ។ លោកបានមានប្រសាសន៍ថា “យើង សង្កេតឃើញថា ក្នុងឆ្នាំនេះ ការលេងបាចទឹក ប៉ាត- ម្សៅ គឺអត់មានទេ គ្រោះថ្នាក់ចរាចរណ៍ក្នុងក្រុង ក៏ អត់មានដែរ ហើយបញ្ហាស្ទះចរាចរណ៍នោះក៏មិន សូវមានដែរ។ ចំណែកឯក្រុមក្មេងស្ទាវរាំលេង បង្ក ឱ្យមានបញ្ហានោះ ក៏មិនឃើញមានដែរ អ៊ីចឹងសរុបទៅ យើងរៀបចំរបៀបរៀបរយបានល្អ”។
លោកសំ ស៊ីយ៉ាន អនុប្រធាននាយកដ្ឋានទេសចរណ៍ (ក្រសួងមហាផ្ទៃ) ខេត្តសៀមរាប បានឱ្យដឹង ថា បរិយាកាសនា ឱកាសបុណ្យចូលឆ្នាំថ្មី ក្នុងខេត្ត សៀមរាប គឺមានភាពល្អប្រសើរ។ លោកបានប្រាប់ ឱ្យដឹងថា ប្រជាជនខ្មែរ ដែលចូលមកកម្សាន្តក្នុងអំឡុង ពេលបុណ្យចូលឆ្នាំ ចាប់ពីថ្ងៃទី១៤ ខែមេសា គឺមាន ចំនួនច្រើនជាងឆ្នាំមុន រាប់ពាន់នាក់ ហើយតំបន់ទេស- ចរណ៍ដែលពេញនិយមបំផុត ក្នុងដំណើរកម្សាន្តលំហែកាយរបស់ភ្ញៀវទេសចរ គឺរមណីយដ្ឋានទឹកធ្លាក់ ភ្នំគូលែន ប្រាសាទអង្គរវត្ត ប្រាសាទបាយ័ន (អង្គរធំ) ដែលជាទិសដៅ ស្នូលរបស់ទេសចរ ភ្នំបាខែង ប្រាសាទបាគង ប្រាសាទបន្ទាយស្រី និងប្រាសាទផ្សេងៗ ទៀត ក្នុងតំបន់អង្គរ។ លោកសំ ស៊ីយ៉ាន បានឱ្យដឹង ទៀតថា ក្នុងឆ្នាំនេះ បើប្រៀបធៀបទៅនឹងឆ្នាំចាស់ ភ្ញៀវទេសចរមានការកើនឡើង ពី១៥% ទៅ២០%។
ខេត្តសៀមរាប ដែលជាខេត្តមានការអភិវឌ្ឍន៍ យ៉ាងរហ័សនោះ មានប្រជាជនចំនួន ១៧១.៨០០នាក់ នេះបើយោងតាមស្ថិតិដកស្រង់របស់វេបសាយ ឹកិផិដេិា ក្នុងឆ្នាំ២០១០។ ក្នុងអំឡុងពេលត្រឹម៦ថ្ងៃ (១២-១៨ ខែមេសា ឆ្នាំ២០១១) ខេត្តសៀមរាប  បានទទួលភ្ញៀវទេសចរអន្តរជាតិ គ្រប់ជាតិសាសន៍ ចំនួន២១.៥៥០នាក់។
លោកតាន់ សំណាង ជាអ្នកប្រចាំការផ្នែកការពារ បេតិកភណ្ឌ នៅប្រាសាទអង្គរវត្ត មានសេចក្តី សប្បាយ​រីករាយជាខ្លាំង ពេលឃើញភ្ញៀវទេសចរ ទាំងជាតិ និងអន្តរជាតិ ចូលមកទស្សនាប្រាង្គប្រាសាទ អង្គរវត្ត ដោយភាពរីករាយច្រើនយ៉ាងនេះ។ ទោះ- ជាយ៉ាងណា លោកបានធ្វើការប្រៀបធៀបខុសគ្នា ទៅនឹងការ​ប្រៀបធៀបខាងលើថា ក្នុងឆ្នាំនេះ មិនសូវ មានភ្ញៀវទេសចរជាតិមកកម្សាន្តក្នុងប្រាសាទអង្គរវត្ត ដូចឆ្នាំមុន​ទេ។ ចំណែកភ្ញៀវបរទេស ដែលមកទស្សនា ប្រាសាទនេះ ភាគច្រើនជាជនជាតិមកពីតំបន់អាស៊ី មាន វៀតណាម កូរ៉េ ថៃ ជប៉ុន និងភ្ញៀវអឺរ៉ុប ភាគច្រើនមកពី ប្រទេសរុស្ស៊ី។ ប៉ុន្តែ លោកបានបញ្ជាក់ថា ក្នុងឆ្នាំនេះ មានការរៀបចំសណ្តាប់ធ្នាប់បានល្អជាងឆ្នាំមុន។
កញ្ញាស្ទិហ្វេនី អូសេនហែម (Stephanie Oxenham) ជនជាតិអង់គ្លេស ដែលបានធ្វើវិស្សមកាល​ក្នុងប្រទេស​កម្ពុជា នាពេល បុណ្យចូលឆ្នាំថ្មី បានបង្ហាញពីចំណាប់អារម្មណ៍រីករាយ ដែលកញ្ញាបានឃើញ​នូវការអភិវឌ្ឍន៍ដ៏ល្អរបស់ ប្រជាជនខ្មែរ។ កញ្ញាបានប្រាប់ថា កញ្ញាមិនបានដឹង ជាមុនថា នេះជាពេលបុណ្យចូលឆ្នាំរបស់ជនជាតិខ្មែរ ទេ តែកញ្ញាពេញចិត្តមកកម្សាន្តក្នុងប្រទេសខ្មែរ ក្នុងខែ មេសា នេះ។ និយាយដោយទឹកមុខញញឹម កញ្ញាបាន ប្រាប់ថា ទោះបីជាកញ្ញាឃើញមានមនុស្សម្នាច្រើន មក ដើរកម្សាន្តក៏ដោយ តែកញ្ញាមានអារម្មណ៍ថា មាន សុវត្ថិភាព និងមិនមានភាពភ័យខ្លាចអ្វីទាំងអស់។ កញ្ញា បាននិយាយថា “ខ្ញុំគិតថា ស្រុកខ្មែរមានសុវត្ថិភាពល្អ ខ្ញុំ អត់មានការព្រួយបារម្ភអីទេ! ទោះឃើញមានឡាន ម៉ូតូ ច្រើនក៏ដោយ ហើយខ្ញុំរីករាយដែលស្គាល់ប្រជាជនខ្មែរ”។
ចំណែក កញ្ញាហ្ស៊ីលឡេ គ័រសុន(Gealle Corson) ជនជាតិបារាំង ដែលបានមកទស្សនាប្រាសាទអង្គរវត្ត នោះ បានឱ្យដឹងថា កញ្ញាបានចំណាយពេលសម្រាកក្នុងខេត្ត សៀមរាប ច្រើនថ្ងៃ ជាងខេត្តដទៃ ព្រោះ​កញ្ញា​ចូលចិត្តទាំងតំបន់រមណីយដ្ឋាននៅទីនេះ និងការរៀបចំ សណ្តាប់ធ្នាប់របស់ក្រុង។ កញ្ញា ដែលមាន​អាយុ២៧ ឆ្នាំរូបនេះ បានប្រាប់ថា ខេត្តសៀមរាប មិនមានគ្រោះថ្នាក់ចរាចរណ៍ដូចខេត្តដែលកញ្ញាបាន​ទៅដើរកម្សាន្ត នោះទេ។ កញ្ញានិយាយថា “ខ្ញុំចង់នៅទីនេះយូរ ព្រោះខ្ញុំ មិនចាំបាច់ខ្វល់ខ្វាយ​ពីបញ្ហា​ផ្សេងៗ​ទេ ហើយតម្លៃទំនិញ នៅទីនេះ ក៏សមរម្យ អាចឱ្យខ្ញុំទទួលយកបាន”។
ដោយសារពាក្យស្លោករបស់ក្រសួងទេសចរណ៍ “ទីក្រុងស្អាត រមណីយដ្ឋានស្អាត សេវាកម្មល្អ” នៅ ក្នុងពេលបុណ្យចូលឆ្នាំនេះ ការលក់ទំនិញហូបចុក តាមតំបន់រមណីយដ្ឋានក្នុងខេត្តសៀមរាប មាតម្លៃ សមរម្យ និងគុណភាពល្អជាងឆ្នាំមុន។
កញ្ញាជុំ ស្រីលីន ដែលបានធ្វើដំណើរកម្សាន្ត ជិតមួយសប្តាហ៍ ក្នុងខេត្តសៀមរាប សម្រាប់ថ្ងៃសម្រាក បុណ្យចូលឆ្នាំថ្មីនេះ កញ្ញាមានភាពសាទរចំពោះការរៀបចំ សណ្តាប់ធ្នាប់ដ៏ល្អរបស់ខេត្ត ដើម្បីទទួល​ភ្ញៀវ​ទេសចរ។ កញ្ញាបាននិយាយថា កញ្ញាមិនបានខ្វល់ច្រើនពីគ្រោះថ្នាក់ចរាចរណ៍ ការលេងបាចទឹក ប៉ាតម្សៅ និងពួកក្មេងស្ទាវៗឡើយ។ កញ្ញាបានឱ្យដឹងថា “ឆ្នាំមុន ខ្ញុំអត់ ហ៊ានទៅណាឆ្ងាយទេ ភ្នំគូលែនអី! អត់ហ៊ាន​ទៅសោះ ព្រោះខ្លាចរឿងគ្រោះថ្នាក់ចរាចរណ៍ ហើយម៉្យាងទៀត ធុញរឿងស្ទះចរាចរណ៍ និងការ​លេងគប់​ទឹក​ប៉ាតម្សៅ អ៊ីចឹងអត់ចង់ទៅណា នៅតែផ្ទះ។ តែឆ្នាំនេះ ឃើញមាន សណ្តាប់ធ្នាប់ល្អ ខ្ញុំបានដើរលេង​ច្រើន​កន្លែង ហើយ សប្បាយចិត្ត ពេលទិញនំចំណីហូបចុក វាអត់ថ្លៃដូច ឆ្នាំមុនទេ! ខ្ញុំហ៊ានរាំលេងជាមួយ​មនុស្សដែលខ្ញុំ អត់ស្គាល់ តាមវត្ត តាមអី ព្រោះអត់មានពួកក្មេងស្ទាវ មក រញ៉េរញ៉ៃទេ!”។
គួរបញ្ជាក់ថា គិតត្រឹមថ្ងៃទី១៩ ខែមេសា នេះ មានតួលេខសរុបគ្រោះថ្នាក់ចរាចរណ៍  ក្នុងអំឡុងពេល បុណ្យចូលឆ្នាំថ្មី ៣ថ្ងៃ មានអ្នកស្លាប់៥៨នាក់ រងរបួស ទាំងធ្ងន់ទាំងស្រាល៤៨៤នាក់ កើនឡើងជាងឆ្នាំមុន ៩ករណី ប៉ុន្តែ មិនមាននៅក្នុងខេត្តសៀមរាប ទេ៕

Read more »